«Biełaruś 2020. Vajna ściahoŭ i palityčnych łozunhaŭ». Biełaruski moładzievy chab zaprašaje na «Kavu z historykam»
25 krasavika, u aŭtorak, Biełaruski moładzievy chab u Varšavie zaprašaje na čarhovuju «kavu z historykam». Hetym razam historyk biełaruskaha pachodžańnia Andrej Katlarčuk, jaki ciapier žyvie i pracuje ŭ Šviecyi, pasprabuje pakazać, jak daśledavańnie palityčnych simvałaŭ Biełarusi dapamahaje bolš hłyboka zrazumieć ciapierašniuju kryzisnuju situacyju ŭ krainie.
U eru nacyjanalizmu novyja palityčnyja nacyi stvarali novyja ściahi. Źjaŭlajučysia mahutnymi palityčnymi simvałami, ściahi mabilizavali nacyjanalnyja ruchi, abjadnoŭvali roznyja častki nacyi vakoł ahulnapryznanaha simvała.
Čamu apazicyjnaje hramadstva i ŭłada sučasnaj Biełarusi vykarystoŭvajuć roznyja ściahi? Što simvalizujuć nacyjanalny bieła-čyrvona-bieły i dziaržaŭny čyrvona-zialony ściahi? Jaki kantekst ich vykarystańnia i što my viedajem pra aŭtaraŭ hetych ściahoŭ? Čamu masiravanaja kampanija prapahandy paśla pratestaŭ žniŭnia 2020 h. zasiarodziłasia mienavita na bieła-čyrvona-biełym ściahu? Jakuju historyju majuć łozunhi «Žyvie Biełaruś!» i «Biełaruś pieradusim!»?
U svaim vystupie Andrej Katlarčuk pasprabuje pakazać, jak daśledavańnie palityčnych simvałaŭ Biełarusi dapamahaje bolš hłyboka zrazumieć ciapierašniuju kryzisnuju situacyju ŭ krainie.
Sustreča adbudziecca ŭ čaćvier, 25 krasavika, u 18:30 pa adrasie: Varšava, płošča Kanstytucyi, 6 (pl. Konstytucji 6).
A dla tych, chto nie zmoža dałučycca da imprezy niepasredna ŭ Biełaruskim moładzievym chabie, budzie ładzicca tranślacyja na Youtube.
Hladzicie taksama:
«Jak zdabyć zamak». Biełaruski moładzievy chab zaprašaje na «kavu z historykam»
Foty z Maskvy dajuć pabačyć Pucina i Łukašenku biez hrymu11
Kamientary