G7: Pahroza raźmiaščeńnia jadziernaj zbroi ŭ Biełarusi nieprymalnaja
Krainy «Vialikaj siamiorki» (G7) nazvali nieprymalnaj mahčymaść Rasii raźmiaścić u Biełarusi jadziernuju zbroju. Pra heta havorycca ŭ sumiesnaj zajavie kiraŭnikoŭ MZS krain, jakija ŭvachodziać u «siamiorku».
«U dadatak da asudžeńnia zajavy prezidenta Pucina ab raźmiaščeńni taktyčnaj jadziernaj zbroi ŭ Biełarusi, ministry zamiežnych spraŭ G7 paćvierdzili nieprymalnaść biezadkaznaj jadziernaj rytoryki Rasii», — havorycca ŭ paviedamleńni kiraŭnikoŭ MZS.
Ministr zamiežnych spraŭ Japonii Josimasa Chajasi asudziŭ mahčymaść raźmiaścić jadziernuju zbroju ŭ Biełarusi, bo heta «jašče bolš uzmocnić napružanaść situacyi» va Ukrainie.
Akramia hetaha, krainy G7 buduć trymać rasijskija aktyvy zabłakavanymi datul, pakul nie zavieršycca kanflikt va Ukrainie. Kiraŭniki MZS dadali, što sankcyi suprać Maskvy buduć bolš žorstkimi, a kantrol za ich vykanańniem budzie ažyćciaŭlacca pilniej. U pryvatnaści, G7 nie dazvolić trecim krainam «padryvać» dziejučyja abmiežavańni.
25 sakavika Uładzimir Pucin zajaviŭ ab płanach raźmiaścić u Biełarusi taktyčnuju jadziernuju zbroju. Pavodle jaho słoŭ, 1 lipienia krainy zavieršać budaŭnictva schovišča dla takoj zbroi na terytoryi Biełarusi. Pucin zajaviŭ, što zbroju Biełarusi Rasija nie pieradaść, ale raźmieścić na terytoryi krainy.
Ciapier čytajuć
Pasoł u Vatykanie Ambrazievič kułuarna sustrakajecca ź jeŭrapiejskimi dypłamatami, kab prarvać izalacyju Minska ŭ Jeŭropie7
Pasoł u Vatykanie Ambrazievič kułuarna sustrakajecca ź jeŭrapiejskimi dypłamatami, kab prarvać izalacyju Minska ŭ Jeŭropie
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary