Jakija fiški dadatka «Novaja Biełaruś» papularnyja, a jakija pakul nie zajšli, u hutarcy «Tok» raskazaŭ Pavieł Libier.
Z času zapusku płatforma «Novaja Biełaruś» maje 22 000 spampovak.
Samaje papularnaje ŭ dadatku — iventy i karta biznesaŭ (sumiesny prajekt z praduktam ByMapka, jon dazvalaje znajści biełarusaŭ, jakija pobač akazvajuć niejkija pasłuhi).
Pavieł Libier kaža, što nie pajšoŭ modul znajomstvaŭ — jon zadumvaŭsia jak ananimny tyndar.
«Ludzi skazali: jak heta sustrakacca z čałaviekam, kali jaho fotki nie bačyš. Davajcie, kali za miažoj, dyk budziem z fotkami, kab być jak Tinder, a nie jak dla biełarusaŭ», — tłumačyć Libier.
Płatforma pracuje taksama nad ułasnaj płaciežnaj sistemaj.
«My b jaje zapuścili, ale pačałasia vajna i mnohija partniory pierastali z nami pracavać. A častka duža zapavoliłasia, bo dziejańni patrabujuć mnostva viertyfikacyj, ci možna pracavać ź biełarusami», — raskazvaje Libier.
Jon padkreślivaje: kali biełarusy chočuć, kab niechta dla ich štości zrabiŭ, to im dla pačatku treba niešta zrabić samim.
«Kali prychodziš u bujnuju arhanizacyju i kažaš, što biełarusy čahości chočuć, tam adkazvajuć: a kolki vas, dzie vy sabranyja i jak vy vyražajecie svajo chacieńnie, praz što. Dzie heta efiemiernaje «biełarusy chočuć», — zaŭvažaje jon.
Pa jaho słovach, biełarusy majuć vialiki ŭzrovień niedavieru da inicyjatyŭ. Heta pakazaŭ prajekt z prapanovaj biełarusam zamiežža samim vyrašać, jak tracić padatak.
U Polščy i Litvie čałaviek moža addać nievialiki pracent ad svaich padatkaŭ arhanizacyjam ci ŭstanovam, jakija sam vybraŭ. Kali jon nie vyznačycca, kudy inviestavać, to heta zrobić dziaržava. Dla adnaho čałavieka — heta 20-30 jeŭra. A kali źbiarecca 100 čałaviek i bolš, to suma budzie ŭ niekalki tysiač, tłumačyć Libier. Kamanda «Novaj Biełarusi» prapanavała siabie ŭ jakaści maderatara i źviarnułasia da biełarusaŭ z prapanovaj pieraličvać pracent na dabračynnaść svaim partnioram. A ŭ dalejšym razam vyznačać, na jakija patreby sabranyja srodki tracić.
Libier ličyć, što hetak hramadstva zrobić pieršy krok da razumieńnia taho, jak traciacca padatki, jaki jość instrumientaryj dla hetaha, jak robicca taki praces prazrystym.
«Tak my starajemsia farmiravać hramadstva, zdolnaje samastojna vyrašać svaje prablemy, ale heta budzie duža składany šlach, bo navat zapusk padatkaŭ pakazaŭ, što biełarusy majuć vialiki ŭzrovień niedavieru», — davodzić jon.
Hladzieć całkam:
«Naša Niva» — bastyjon biełaruščyny
PADTRYMAĆCiapier čytajuć
Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni14
Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
Z płatformaj Hołas nakaniecta ź ličbami i faktami dakazali što łukašenka praihraŭ vybary i sprava zaruchałasia (zamiest hłupych zianonaŭskich "bajkotaŭ")
Tolki kali buduješ Biełaruś Budučaha, možnia ŭžo b było rodnuju movu vyvučyć, kab na inter'ŭju adkazyvać na joj, ci choć na trasiancy, a nie hańbicca - razmaŭlajučy pa rasiejku pra Biełaruś budučyni na biełaruskamoŭnym kanale/inter'ŭju
P.S.
Nie saromiejciesia - i łupicie trasiankaj, leksikon pryjdzie! Trasianka - taksama naša, radnoje.
Niemahčyma moŭčki i nie karystajučysia movaj vyvučyć jaje na dastatkovym uzroŭnie, cipa "spačatku vyvuču, potym pačnu razmaŭlać"