Minzdaroŭja zabaraniła raźmiaščać apteki bližej, čym 500 mietraŭ adna ad druhoj
Ministerstva achovy zdaroŭja źmianiła pastanovu ab aptečnaj praktycy. Ciapier u Biełarusi stroha vyznačyli adlehłaść pamiž aptekami, heta rehłamientuje novaja pastanova Ministerstva achovy zdaroŭja (№11 ad 20 studzienia 2023-ha), apublikavanaja Nacyjanalnym pravavym internet-partałam.
U pryvatnaści, zhodna z novym dakumientam ciapier u Biełarusi ŭ nasielenych punktach apteki 1-5 katehoryj pavinny raźmiaščacca ŭ niežyłych pamiaškańniach kapitalnych budynkaŭ (budynkaŭ abo zbudavańniaŭ), kali ŭ radyusie 500 mietraŭ niama inšaj apteki.
Niekalki aptek u adnym budynku ŭ Biełarusi zaraz nie moža być raźmieščana, kali heta nie handlovy centr.
U HC z ahulnaj płoščaj da 5000 kvadratnych mietraŭ mahčyma raźmiaščeńnie nie bolš za adnu apteku. A ŭ handlovych centrach pamieram 5—10 tysiač «kvadrataŭ» možna adkryć nie bolš za dźvie apteki. U handlovych centrach ad 10000 kvadratnych mietraŭ i bolš — da troch aptek.
Taksama ŭ dakumiencie ŭtrymlivajucca karekciroŭki adnosna rabot aptek piataj katehoryi.
Usie novaŭviadzieńni Ministerstva achovy zdaroŭja datyčać tolki novych aptek, jakija buduć adkryvacca paśla 1 sakavika 2023 hoda. Z hetaj daty ŭstupaje ŭ siłu i pastanova.
Taksama Minzdaroŭja abnaviła śpis biezrecepturnych lekaŭ.
Kamientary