Biełaruskija ŭłady majuć namier pabudavać vajskovy haradok i palihon u Homielskaj vobłaści, pa poŭdni jakoj prachodzić miaža z Ukrainaj. Pra najaŭnaść takich płanaŭ śviedčyć dziaržaŭnaja inviestycyjnaja prahrama na 2023 hod, ukaz ab zaćviardžeńni jakoj 11 lutaha apublikavali na Nacyjanalnym pravavym internet-partale, paviedamlaje «Radyjo Svaboda» sa spasyłkaj na BPN.
Zhodna z dakumientam, na prajektna-pošukavyja pracy dla budučaha budaŭnictva vajskovaha haradka sioleta z respublikanskaha biudžetu vydzielać 500 tysiač rubloŭ, a ŭ 2024 i 2025-ym hadach — 10 miljonaŭ i 40 miljonaŭ rubloŭ «u prahnoznych cenach» adpaviedna.
Na anałahičnuju pracu, źviazanuju z budaŭnictvam palihona, sioleta płanujuć nakiravać 500 tysiač rubloŭ, u dva nastupnyja hady — adpaviedna 10 młn i 20 młn rubloŭ «u prahnoznych cenach».
Zhodna ź dziaržaŭnaj prahramaj, budaŭnictva pavinna pačacca ŭ 2023 hodzie i zaviaršycca ŭ 2027-m.
26 maja 2022 hoda na naradzie pa pytańniach vajskovaj biaśpieki Alaksandr Łukašenka zahadaŭ stvaryć na ŭkrainskim napramku Paŭdniovaje apieratyŭnaje kamandavańnie, matyvujučy heta «eskałacyjaj bajavych dziejańniaŭ va Ukrainie». Načalnik Departamienta mižnarodnaha vajskovaha supracoŭnictva Valeryj Ravienka paviedamiŭ, što pry jaho farmavańni stvorać šerah voinskich čaściej i padraździaleńniaŭ.
Usio heta adbyvajecca na fonie poŭnamaštabnaj vajny suprać Ukrainy, jakuju Rasija pačała 24 lutaha 2022 hoda.
Biełaruskija ŭłady admaŭlajuć udzieł biełaruskaha vojska ŭ bajavych dziejańniach na baku Rasii. Pry hetym Alaksandr Łukašenka nieadnarazova pryznavaŭ, što Biełaruś udzielničaje ŭ «śpiecyjalnaj vajennaj apieracyi» va Ukrainie, usialak padtrymlivajučy Rasiju, ale «nikoha nie zabivajučy». Terytoryja Biełarusi z pačatku ŭvarvańnia, a taksama ŭ asobnyja pieryjady paźniej aktyŭna vykarystoŭvałasia rasijskaj armijaj dla naniasieńnia ŭdaraŭ pa Ukrainie.
-
«Dziesiacihadovaje dzicia AMAP pakładzie ŭ padłohu?» Treš-błohier Mellstroy adreahavaŭ na pryznańnie siabie ekstremistam
-
Biełarusa niekalki miesiacaŭ pierakidali ad doktara da doktara i nie chacieli špitalizavać, pakul naha nie pačała hnić
-
Cichanoŭskaja nazvała pryznačeńnie Koŭła «abnadziejvajučym krokam»
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary