«Jak tabie takoje, Iłan Mask?»: u sistemy Starlink chutka źjavicca novy kankurent
Havorka idzie pra Project Kuiper ad kampanii Amazon, jakoj taksama dazvolili zapuścić u kosmas niekalki tysiač internet-spadarožnikaŭ.
Kampanija Amazon atrymała aficyjny dazvoł ad amierykanskaj Fiederalnaj kamisii pa suviazi (FCC) na kaśmičnaje razhortvańnie 3236 šyrokapałosnych internet-spadarožnikaŭ. Pra heta 8 lutaha paviedamiŭ časopis SpaceNews.
Hetaja hrupoŭka spadarožnikaŭ atrymała nazvu Project Kuiper. Dazvoł na jaje ekspłuatacyju vydali pry ŭmovie padpisańnia i vykanańnia kampanijaj novaha płana pa źnižeńni kolkaści arbitalnaha śmiećcia, jaki ŭklučaje rehularnyja spravazdačy ab stanie spadarožnikaŭ i vyraznyja ŭmovy ich utylizacyi pa zakančeńni misii.
Sama misija budzie doŭžycca siem hadoŭ na nizkaj kalaziamnoj arbicie našaj płaniety.
«Kuiper moža pačać razhortvańnie svajoj hrupoŭki, kab zabiaśpiečyć vysakachutkasnaje, šyrokapałosnaje internet-padklučeńnie dla klijentaŭ pa ŭsim śviecie», — havorycca ŭ aficyjnym dazvole ad FCC.
Jašče raniej taki dazvoł atrymała sistema Starlink ad kampanii SpaceX Iłana Maska, jakaja taksama razharnuła niekalki tysiač internet-spadarožnikaŭ. Aścierahajučysia kankurencyi, SpaceX navat sprabavała abmiežavać mahčymaści albo zamarudzić razhortvańnie anałahičnaj sistemy ad Amazon.
«SpaceX zaklikała FCC dazvolić vypuścić u kosmas tolki 538 spadarožnikaŭ Project Kuiper, a zapusk astatnich uvohule adkłaści na peŭny čas. Aproč hetaha, hučali zakliki raźmiaścić spadarožniki ad Amazon na bolš vysokaj arbicie za tuju, na jakoj užo znachodziacca sistemy Starlink. Adnak kamisija adprečyła prapanovy SpaceX», — piša SpaceNews.
Paviedamlajecca, što pieršyja dva spadarožniki hrupoŭki Project Kuiper — Kuipersat-1 i Kuipersat-2 — buduć zapuščany ŭ najbližejšyja miesiacy padčas pieršaha palotu novaj rakiety Vulcan Centaur (taksama ad Amazon).
Čytajcie jašče:
Microsoft pakazaŭ novy pošukavik. Choča źmianić naša ŭjaŭleńnie pra internet
Kitaj abviaściŭ pra vypusk svajho pieršaha kamiercyjnaha kvantavaha kampjutara
Tvorca pieršych u śviecie hienna-madyfikavanych dziaciej raspavioŭ pra ich stan
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary