Biełaruski Opierny teatr vyrašaje kadravyja prablemy praz zaprašeńnie rasijan?
U afišach Vialikaha teatra opiery i baleta Biełarusi źjaŭlajecca ŭsio bolš zaprošanych zorak z Rasii, zaŭvažyŭ Reform.by.
Tolki ŭ hetym miesiacy śpiektakli «Bahiema» i «Pikavaja dama» dyryžuje hałoŭny dyryžor baškirskaj opiery Arciom Makaraŭ, a partyju Hiermana ŭ zhadanaj vyšej «Pikavaj damie» budzie vykonvać salist Novasibirskaha dziaržaŭnaha akademičnaha teatra opiery i baleta Michaił Pirahoŭ.
Viadoma, z rasijskimi dziejačami mastactvaŭ Vialiki teatr Biełarusi supracoŭničaŭ i raniej. Niama padstaŭ sumniavacca i ŭ kampietentnaści zaprošanych artystaŭ, i časta heta karysna i abjektyŭna nieabchodna. Mnohija suśvietnyja teatry, u tym liku i samyja viadomyja, praktykujuć zaprašeńnie słavutych zamiežnych śpiecyjalistaŭ, asabliva kali svaich padobnaha ŭzroŭniu niama.
Adnak možna zaŭvažyć, što toj ža
Arciom Makaraŭ pracuje na śpiektaklach, u jakich raniej udzielničaŭ biełaruski dyryžor Aleh Lasun. Ajčynny maestra byŭ źniaty z repiertuaru ŭ kancy minułaha hoda za hramadzianskuju pazicyju, prajaŭlenuju ŭ 2020 hodzie.
Uvohule ž z 2020 hoda ź Vialikaha teatra Biełarusi «syšli» užo troch viadomych dyryžoraŭ: Viačasłava Čarnuchu-Voliča, Andreja Hałanava i Ivana Kaściachina.
Takim čynam, kanstatuje Reform.by, adbyvajecca toje, pra što kazali mnohija — kab zakryć prafiesijnyja prahały, na miesca zvolnienych biełarusaŭ pryciahvajucca muzyki z Rasii. I zaŭvažaje, što na sajcie teatra raźmieščanaja abjava ab konkursie na zamiaščeńnie vakantnaj pasady kancertmajstra pa kłasie vakału. Mahčyma, na heta miesca taksama pryjdzie zorka adtul ža.
Čytajcie taksama:
Minski teatr «Źnič» staić pierad pahrozaj zakryćcia
Ciapier čytajuć
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj6
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary