«My nie chočam vyhladać tymi, chto prapahanduje ŁHBT». U Rasii mianiajuć nazvu teatralnaha fiestyvalu «Viasiołka»
Pieciarburhski teatralny fiestyval «Viasiołka» źmianiŭ nazvu na Mižnarodny teatralny fiestyval Teatra junych hledačoŭ imia Brancava. Arhanizatary paviedamili pra pačatak pryjomu zajavak i papiarednich datach XXIV fiestyvalu ŭžo pad novaj nazvaj. Pry hetym papiaredniaja nazva fiestyvalu pakul što zachavałasia ŭ adrasie sajta — rainbowfest.spb.ru, paviedamlaje «Mieduza».
Dyrektar TIUHa i kiraŭnik fiestyvalu Śviatłana Łaŭrecova paviedamiła vydańniu «Teatr», što nazvu mierapryjemstva vyrašyli źmianić na fonie ŭstupleńnia ŭ siłu zakona ab «prapahandzie» ŁHBT, ale kančatkovaje rašeńnie jašče nie pryniata.
«Kali vyjšaŭ zakon ab zabaronie prapahandy ŁHBT, my adrazu zadumalisia. My nie chočam vyhladać tymi, chto prapahanduje ŁHBT,
tamu źbiralisia našaj kamandaj i vyrašali, na apiaredžańnie pamianiać nazvu ci časova jaje prybrać. My nazirajem, da jakoha marazmu heta dachodzić u realnaści.
Heta naš brend. Hrošy dziaržava nam vydzialaje na «Viasiołku», i teatry z nami razmaŭlajuć jak z «Viasiołkaj». Uvohule, my dumajem i budziem raicca», — raspaviała Łaŭrecova.
Teatralny fiestyval «Viasiołka» pravodziać u Sankt-Pieciarburhu amal čverć stahodździa z 2000 hoda. Jaho meta — pošuk sučasnaj dramaturhii dla moładzi, a taksama režysioraŭ, jakija pracujuć z novymi teatralnymi formami.
Čytajcie taksama:
Pucin padpisaŭ zakon ab poŭnaj zabaronie prapahandy ŁHBT u Rasii
Kačanava: Treba prymać zakon suprać ŁHBT, bo ŭ nas tradycyi, pravasłaŭje i Maskva
-
Sikorski: Miažu ź Biełaruśsiu adkryjem, kali Kitaj nam dapamoža
-
113‑hadovy kańjak, mieniu na francuzskaj i paŭtary tysiačy stałovych pryboraŭ. Jakim byŭ karaleŭski bankiet u honar Donalda Trampa
-
Danija vyrašyła nabyć vysokadakładnuju zbroju dla strymlivańnia Rasii. Rasijski pasoł nazvaŭ heta varjactvam
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary