«Hiej-prapahanda» była zabaronienaja ŭ Rasii z červienia 2013 hoda — ale tolki «siarod niepaŭnaletnich». Novym zakonam rasijskija ŭłady istotna pašyryli śpis abmiežavańniaŭ. Z hetaha času «prapahandavać» i «naviazvać» adnapołyja adnosiny nielha ni dzieciam, ni darosłym — i heta datyčyć u tym liku filmaŭ, knih, rekłamy, telebačańnia i sacyjalnych sietak.
Dakumient praduhledžvaje zabaronu prapahandy «nietradycyjnych adnosin», piedafilii, źmieny połu siarod padletkaŭ u internecie, ŚMI, knihach, kino i rekłamie. Akramia taho, zhodna z zakonaprajektam, za prapahandu ŁHBT mahčyma vydvareńnie inšaziemca z Rasii.
Karać za «prapahandu» ŁHBT buduć štrafam da 400 tysiač rubloŭ dla hramadzian, da 800 tysiač dla słužbovych asob i da 5 młn rasijskich rubloŭ dla jurydyčnych asob.
Za raspaŭsiudžańnie siarod niepaŭnaletnich «infarmacyi, jakaja demanstruje nietradycyjnyja seksualnyja adnosiny, albo zdolnaj vyklikać u ich žadańnie źmianić poł», prapanujecca štrafavać hramadzian na sumu da 200 tysiač rubloŭ, słužbovych asob — da 400 tysiač, jurydyčnych asob — da 4 młn.
Raniej zakonaprajekt ab zabaronie «prapahandy ŁHBT» byŭ pryniaty Dziarždumaj u pieršym čytańni 27 kastryčnika. U pracesie abmierkavańnia deputaty prapanoŭvali ŭvieści nie tolki administracyjnuju, ale i kryminalnuju adkaznaść za paŭtornyja parušeńni, ale hetaja papraŭka była adchilenaja.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»37
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary