Školniki z Tenesi stvaryli novuju rabatyzavanuju ruku svajmu adnakłaśniku
Pa słovach chłopca, hety padarunak źmianiŭ jaho žyćcio.
Na pieršy pohlad, 15-hadovy Sierdžya Pieralta źjaŭlajecca zvyčajnym vučniem amierykanskaj siaredniaj škoły horada Chiendersanvił, štat Tenesi. Ale ŭ chłopca jość svoj niezvyčajny sakret.
Serdžya žyvie z pryrodžanaj patałohijaj: jaho pravaja ruka nie da kanca sfarmavanaja. Tamu chłopiec navučyŭsia pisać i vykonvać inšyja dziejańni tolki levaj rukoj, a ŭ škole ŭvohule imknuŭsia chavać svaju chvoruju ruku.
«U pieršyja dni ŭ škole mnie, pa praŭdzie kažučy, chaciełasia schavać ruku u nadziei, što nichto nie daviedajecca», — skazaŭ Sierdžya ŭ intervju ahienctvu CBS News.
Adnak jaho nastaŭnica raskryła hety sakret i prapanavała adnakłaśnikam chłopca ź inžyniernaha kłasa stvaryć jamu novuju miechaničnuju ruku. Tyja achvotna pahadzilisia.
«Treba być vynachodnikam, prydumlać novyja idei, vyrašać prablemy i prosta rabić rečy lepšymi, čym jany byli da hetaha», — upeŭnienaja Łeśli Džaramiła, nastaŭnica Serdžya.
Nievialiki inžynierny kłas vučniaŭ vydatkavaŭ čatyry tydni na prajektavańnie, 3D-druk i vyznačeńnie pamieraŭ ručnoha prateza, kab jon padychodziŭ chłopcu.
Paśla miesiaca pracy adnakłaśniki pravieryli, jak Serdžya pry dapamozie novaj ruki spraŭlajecca z hulnioj u miač, chobi, jakoje kaliści było dla jaho niedasiahalnym.
«Paśla 15 hadoŭ žyćcia biez ruki ja adčuŭ pa-sapraŭdnamu krutyja adčuvańni. Byccam majo žyćcio źmianiłasia», — padzialiŭsia chłopiec.
Čytajcie jašče:
Navukoŭcy zmahli spynić praces stareńnia ŭ myšej i navučylisia kiravać hetym pracesam. A što nakont ludziej?
Razumnaja bytavaja technika moža pierastać pracavać užo praz dva hady
U Google Maps možna schavać častki vašaha doma, jakija vy nie chočacie, kab bačyli čužyja — voś jak heta zrabić
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary