Cichanoŭskaja prakamientavała svaju pramovu sa źmienienaj cytataj Kalinoŭskaha
Padčas mierapryjemstvaŭ, pryśviečanych 160-j hadavinie pačatku paŭstańnia 1863—1864 hadoŭ, Śviatłana Cichanoŭskaja vystupiła z pramovaj. Jana zhadała Kastusia Kalinoŭskaha, ale zamianiła słova «maskal» u viadomaj cytacie na «čužuju ŭładu».
U sacsietkach nie acanili hetu palitkarektnaść.
Cichanoŭskaja, cytujučy Kalinoŭskaha, zamianiła adno słova. Tvitar adreahavaŭ
Cichanoŭskaja prakamientavała svaju pramovu i reakcyju na jaje:
«Siabry, ja viedaju, što źmienienyja słovy Kalinoŭskaha ŭ maim vystupie vyklikali abureńnie. U aryhinale cytata hučyć tak: «Bo ja tabie z-pad šybienicy kažu, Narodzie, što tahdy tolki zažyvieš ščaśliva, kali nad taboju maskala ŭže nie budzie». Ja pryznaju, što mienavita tak pavinny cytavacca jaho słovy.
Hetaje pasłańnie Kalinoŭskaha aktualnaje i siońnia: biełarusy tady zažyvuć ščaśliva, kali nad imi nie budzie čužoj akupacyjnaj ułady. A pad čužoj uładaj majecca na ŭvazie i Łukašenka, i Rasija, jakaja sprabuje źniščyć našu dziaržaŭnaść.
I ja chaču paŭtaryć toje, što paŭtaraju ŭžo praktyčna hod: Rasija — ahresar, Łukašenka i Pucin — vajennyja złačyncy».
Cichanoŭskaja: Imia Kastusia Kalinoŭskaha praciahvaje nas natchniać
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5757
Kamientary