Žychary šmatpaviarchovika skinulisia i samastojna ŭpryhožyli padjezd da Novaha hoda — tolki pahladzicie
«Upryhožyli šmat čaho: i ŭvachodnyja dźviery, i choły pierad liftami, i tambury, i lifty, i navat pieršy pavierch».
Svajoj navahodniaj kazkaj z Onlíner padzialiŭsia žychar doma 15H na vulicy Hierojaŭ abarony Bresckaj krepaści ŭ Breście. «Domu 4 hady, i za hety čas ni razu nie było navahodniaha dekoru. Zachaciełasia heta vypravić», — kaža Ryhor.
Pavodle słoŭ maładoha čałavieka, inicyjatyva pieršačarhova zychodziła ad novaha staršyni tavarystva ŭłaśnikaŭ (TU). Mienavita jon vyrašyŭ upryhožyć miescy ahulnaha karystańnia, kab u žylcoŭ źjaviŭsia navahodni nastroj:
«Razam z žonkaj jany vyrašyli paradavać nas i aformić padjezdy da Novaha hoda. Praz tavarystva ŭłaśnikaŭ zakupili navahodnija ŭpryhažeńni. U suviazi z abmiežavanaściu finansaŭ bolšuju častku vyrabili svaimi rukami — sani, karobki, banty, draŭlanyja skryni. A pakolki ŭ domie dva padjezdy, usio pryjšłosia vyrablać u dvuch ekzemplarach».
Dobry prykład zaraźlivy. Ubačyŭšy, jak źmianiajecca padjezd, uładalniki kvater taksama vyrašyli ŭnieści svoj układ:
«Žylcy skaapieravalisia i samastojna dakupili materyjały dla dekoru: pienapłast dla jalinak, hirlandy, vianki na dźviery, kancylarskija drobiazi nakštałt skotču, klej. Jany taksama dali ofisnuju papieru dla padviesnych upryhažeńniaŭ i pakavalnuju papieru dla karobak. Upryhožyli šmat čaho: i ŭvachodnyja dźviery, i choły pierad liftami, i tambury, i lifty, i navat pieršy pavierch».
Ryhor dzielicca: na ŭsio pra ŭsio syšło prykładna 1000 rubloŭ. Nie tak užo i šmat z ulikam aktualnych cen. Zatoje vynik budzie radavać jašče doŭha, a paśla śviataŭ dekor možna schavać i znoŭ vykarystać praz hod.
«Času i pracy spatrebiłasia vielmi šmat, ale vynik raduje voka. Asabliva zadavolenyja dzieci. Voś tak pry nievialikim biudžecie atrymałasia stvaryć navahodniuju atmaśfieru i zhurtavać žylcoŭ. Jak kažuć, było b žadańnie».
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu4
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1818
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich18
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary