Łukašenka: Nie valajusia ja ŭ prezidenckaj balnicy, supakojciesia vy! A ŭ pandemiju ŭ reanimacyi nivodnaha chudoha čałavieka nie było
«Lišniaja vaha — heta katastrofa».
Alaksandr Łukašenka, vystupajučy na Usiebiełaruskim narodnym schodzie, zakranuŭ śfieru miedycyny i zapeŭniŭ, što praktyčna nie karystajecca Lečkamisijaj.
«Niadaŭna razumnyja ŭ nas vysokija słužbovyja asoby dasyłajuć mnie list. «Treba ŭsich dypłamatyčnych rabotnikaŭ (prykładna tak) pastavić na ŭlik u, jak jany nazyvajuć, prezidenckaj balnicy». Sumleńnie ŭ vas jość? Čaho vy ciahnieciesia ŭ hetuju balnicu, jana ŭžo daŭno nie najlepšaja ŭ krainie. U nas mora takich špitalaŭ. Ja ž vam pieradaŭ prezidenckuju hetu balnicu: kudy ŭsie rvalisia, u Minsk. «Nie, voś tam».
Haspodź z vami, ja tam nie lačusia, nie dumajcie, što tam, dzie prezident, tam dobra. Słava bohu (pierychryściŭsia), jašče pakul Haspodź mianie ŭbiaroh ad hetaj balnicy, ja tam nie valajusia ŭ joj, supakojciesia vy!
I potym — a prostym ludziam jak?»
Paśla Łukašenka adznačyŭ, što achova zdaroŭja ŭ krainie pracuje hodna.
«Što acanili mnohija, jakija viarnulisia z Polščy i Litvy, hłynuŭšy «rajskaha sadu». Jak ja kazaŭ: zubok palačyć — u Biełaruś. Tut jakasna i tańniej. Nu pajechali tudy, niachaj tam vyryvajuć vam zuby i skivicy. Čaho vy siudy viartajeciesia? Ciškom treba zajechać — u nas ža biaźviz», — aburyŭsia jon biełarusami, jakija pracujuć za miažoj.
Raskrytykavaŭ jon i pacyjentaŭ balnic u pandemiju karanavirusa.
«Kali ja prychodziŭ u reanimacyjnaje adździaleńnie razam ź ministram, zachodziŭ tudy — tam voś takija hory lažali. Žyvot da stoli — nivodnaha chudoha čałavieka nie było. Lišniaja vaha — heta katastrofa. Heta ja vam kažu, viedaju, što kažu».
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary
Ostapa niesiot, jemu chłopajut, jeho jeŝio bolšie niesiot, jemu opiať chłopajut i Ostap vpadajet v biezostanovočnyj orhazm...