Hirlandy — adzin z samych papularnych sposabaŭ stvaryć atmaśfieru navahodniaha čaraŭnictva i ŭtulnaści.
Adnak nieabchodna vykonvać praviły, kab elektrahirlanda nie stała krynicaj pažaru. Tłumačyć staršy ekśpiert upraŭleńnia śpiecyjalnych ekśpiertyz upraŭleńnia Dziaržaŭnaha kamiteta sudovych ekśpiertyz pa Mahiloŭskaj vobłaści Anton Skvarcoŭ:
— Pierš za ŭsio nieabchodna vyznačycca, dzie vy płanujecie vykarystoŭvać hirlandu: unutry doma ci na vulicy. Dla ŭnutranaha vykarystańnia padyduć lubyja madeli, a dla vulicy varta vybirać hirlandy z abaronaj ad vilhaci i ŭstojlivyja da nizkich tempieratur.
Źviarnicie ŭvahu na markiroŭku «IP», jakaja ŭkazvaje na stupień abarony: čym vyšej ličby, tym nadziejniej vyrab.
Dla vuličnaj hirlandy minimalnaja stupień abarony zabiaśpiečvajecca pry najaŭnaści markiroŭki «IP63».
Pravilnaja ekspłuatacyja hirlandy dapamoža padoŭžyć termin jaje słužby i zachavać biaśpieku, tamu:
— vykarystoŭvajcie tolki siertyfikavanyja vyraby;
— nie pierahružajcie łancuh: kali hirlanda złučajecca ź inšymi hirlandami, sačycie za maksimalnaj nahruzkaj na elektryčnuju sietku;
— paźbiahajcie naciahvańnia dratoŭ: heta moža pryvieści da paškodžańnia izalacyi i karotkaha zamykańnia;
— paśla śviataŭ akuratna prybirajcie hirlandy ŭ skrynki, paźbiahajučy pierahibaŭ dratoŭ;
— pierad vykarystańniem praviarajcie hirlandu na najaŭnaść paškodžańniaŭ;
— sačycie za nadziejnaściu macavańnia hirlandy, jakaja vykarystoŭvajecca na vulicy: paryvy vietru abo śnieh, što padaje z dachu, mohuć pryvieści da jaje paškodžańnia.
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu16
Kamientary
Jejo niet.