Гірлянды — адзін з самых папулярных спосабаў стварыць атмасферу навагодняга чараўніцтва і ўтульнасці.
Аднак неабходна выконваць правілы, каб электрагірлянда не стала крыніцай пажару. Тлумачыць старшы эксперт упраўлення спецыяльных экспертыз упраўлення Дзяржаўнага камітэта судовых экспертыз па Магілёўскай вобласці Антон Скварцоў:
— Перш за ўсё неабходна вызначыцца, дзе вы плануеце выкарыстоўваць гірлянду: унутры дома ці на вуліцы. Для ўнутранага выкарыстання падыдуць любыя мадэлі, а для вуліцы варта выбіраць гірлянды з абаронай ад вільгаці і ўстойлівыя да нізкіх тэмператур.
Звярніце ўвагу на маркіроўку «IP», якая ўказвае на ступень абароны: чым вышэй лічбы, тым надзейней выраб.
Для вулічнай гірлянды мінімальная ступень абароны забяспечваецца пры наяўнасці маркіроўкі «IP63».
Правільная эксплуатацыя гірлянды дапаможа падоўжыць тэрмін яе службы і захаваць бяспеку, таму:
— выкарыстоўвайце толькі сертыфікаваныя вырабы;
— не перагружайце ланцуг: калі гірлянда злучаецца з іншымі гірляндамі, сачыце за максімальнай нагрузкай на электрычную сетку;
— пазбягайце нацягвання дратоў: гэта можа прывесці да пашкоджання ізаляцыі і кароткага замыкання;
— пасля святаў акуратна прыбірайце гірлянды ў скрынкі, пазбягаючы перагібаў дратоў;
— перад выкарыстаннем правярайце гірлянду на наяўнасць пашкоджанняў;
— сачыце за надзейнасцю мацавання гірлянды, якая выкарыстоўваецца на вуліцы: парывы ветру або снег, што падае з даху, могуць прывесці да яе пашкоджання.
Цяпер чытаюць
Начальнік крымінальнага вышуку МУС бачыў прагулачны дворык СІЗА КДБ з акна свайго кабінета, а потым сам стаў вязнем6
Каментары
Её нет.