Pryjorbank admoviŭsia zrabić kartku šalona papularnaj błohiercy praz toje, što jana ŭ śpisie ekstremistaŭ
Vyśvietliłasia, što Pryjorbank nie choča adkryvać kartki tym, chto byŭ asudžany pa narodnym 342 artykule.
U instahramie Kaciaryna Čareška maje 523 tysiačy padpisčykaŭ. Mienavita jana stvaryła papularny marafon dla pachudzieńnia «Tłuščatop».
Kaciarynu Čareška zatrymali ŭ listapadzie 2022 hoda razam z mužam Siarhiejem (jon taksama błohier, maje kala 88 tysiač padpisčykaŭ u instahramie) — ich abvinavačvali va ŭdziele ŭ mirnych akcyjach pratestu paśla vybaraŭ 2020 hoda. U vyniku papularnaja błohierka atrymała dva z pałovaj hady chatniaj chimii. Kali ŭ 2023 hodzie prysud nabyŭ siłu, žančynu razam z mužam dadali ŭ śpis ekstremistaŭ.
Siamja zastałasia ŭ Biełarusi, sioleta ŭ Kaciaryny i Siarhieja naradziłasia treciaje dzicia.
Niadaŭna błohierka sutyknułasia z prablemaj: u jaje pierastaŭ pracavać ApplePay. Praz heta nie było mahčymaści apłacić nieabchodnyja dadatki — Kaciaryna kaža, što biez prahramy CapCut abyścisia nijak nie moža.
Samastojna zrabić kartku praz mabilny dadatak Pryjorbanka ŭ žančyny nie atrymałasia — kožny raz usio vyskokvała niejkaja pamyłka. Tady Kaciaryna vyrašyła schadzić u adździaleńnie banka — ale i tam supracoŭnica nie zmahła joj dapamahčy. U vyniku taja paabiacała źviazacca z centralnym ofisam i pieratalefanavać klijentcy.
Vyśvietliłasia, što prablema ŭ tym, što Kaciaryna znachodzicca ŭ śpisie ekstremistaŭ.
«Skazali, što mnie, imavierna, mohuć adkryć kartku, kali ja pryjdu, napišu zajavu, jakuju dašluć kiraŭnictvu. Ciaham piaci pracoŭnych dzion kiraŭnictva jaje razhledzić, i potym jany, imavierna, adkryjuć kartku, imavierna, adkryjuć z abmiežavańniami pa karystańni. I ja takaja: «Navošta? Ja prosta pajdu ŭ luby inšy bank», — padzialiłasia ŭ storys Kaciaryna.
U vyniku jana lohka zrabiła sabie kartku Biełarusbanka. Prablemu z ApplePay heta vyrašyła. Błohierka raspaviała, što padychodzić amal lubaja kartka Visa abo Mastercard.
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie11
Kamientary
Biełarusbank da hetaje pary trymaje pad aryštam moj rachunak.
Svaje 29.66 byn (za dzień) ja atrymoŭvaju za hramadskija pracy praź nieBiełarusbank. Mienavita heta zaminaje mnie atrymać apłatu ciaham 5-ci bankaŭskich dzion. Prychodzicca čakać 30-ć. Jakaja niebudź 1S-buchhałteryja nastrojenaja mabyć na pracu ź Biełarusbankam i ŭsio.
List ad DFR na svajo imia ja vykinuŭ, nie čytajučy, jašče ŭ 2020-m.
Sutnaść majho vypadku u tym, što złočyn byŭ učynieny nie mnoju, a suprać mianie. U 2020-m. Ja atrymaŭ dapamohu, 45 byn ź jakoj nie paśpieŭ źniać z rachunka Biełarusbanka. Rachunak aryštavany. Pracujučy na pradpryjemstvy, jakija karystajucca pasłuhami Biełarusbanka, ja budu hasić tuju sumu, na jakuju atrymaŭ dapamohu ŭ 2020-m.
A što heta za śpiecyjalnaść takaja "šalona-papularny błohier"?
Mnie, jak fiziku pa dypłomu, jaki akazaŭsia zdolnym za 2-3 miesiacy samastojna zrazumieć dzie ŭ Biełarusi lažyć urana na 40 atamnych bombaŭ, albo prynamsi na hod pracy błoka mahutnaśćciu 1200 MVt, cikava.
Mo "šalona-papularnaja błohierka" dapamoža siłavikam Biełarusi vyrašyć prablemu z hrupami u Telegram Paŭła Durava pryśviečanymi prastytucyi, dzie robiacca prapanovy raspaŭsiudu narkotykaŭ, albo z rehularna abnaŭlajemaj rekłamaj ""Raboty" 4 000$ v niedielu..." kankretna u hetym miescy Minska:
(abjekt aharodža jakoha rehularna raśpisvajecca rekłamaj "raboty..[pa raspaŭsiudu narkotykaŭ]" prama pa centru)
[Zredahavana]