Cichanoŭskaja, cytujučy Kalinoŭskaha, zamianiła adno słova. Sacsietki adreahavali
Padčas mierapryjemstvaŭ, pryśviečanych 160-j hadavinie pačatku paŭstańnia 1863—1864 hadoŭ, Śviatłana Cichanoŭskaja vystupiła z pramovaj. Jana zhadała Kastusia Kalinoŭskaha i jaho słovy.
«Kalinoŭski, jaki kiravaŭ paŭstańniem na terytoryi Biełarusi, jomista sfarmulavaŭ nacyjanalnuju ideju Biełarusi: tolki tady, narodzie, zažyvieš ščaśliva, kali nad taboj nie budzie čužoj ułady.
Bo nam, biełarusam, nie treba čužoha. Prosta dajcie nam być haspadarami ŭ svajoj krainie. My chočam budavać Biełaruś svabodnaj i niezaležnaj dziaržavaj, i imia Kastusia Kalinoŭskaha praciahvaje natchniać nas u hetaj spravie», — skazała demakratyčnaja lidarka.
U aryhinalnym liście z-pad šybienicy Kalinoŭskaha cytata hučała tak: «Bo ja tabie z-pad šebienicy kažu, Narodzie, što tahdy tolki zažyvieš ščaśliva, kali nad taboju Maskala ŭže nie budzie».
Nie ŭsim heta palitkarektnaja zamiena padałasia darečnaj. Niekatoryja ličać, što nie varta było adychodzić ad aryhinalnaj cytaty, jakaja va ŭsich na słychu.
Tvitar adreahavaŭ i miemami.
Cichanoŭskaja prakamientavała svaju pramovu sa źmienienaj cytataj Kalinoŭskaha
Cichanoŭskaja: Imia Kastusia Kalinoŭskaha praciahvaje nas natchniać
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary