Žuraŭlinaja addanaść: historyja kachańnia, jakoje pieramahło marazy
Niezvyčajnuju historyju raskazaŭ fatohraf dzikaj pryrody Viktar Kazłoŭski. Heta zdaryłasia pad Maładziečnam, na padvorku jaho siabra Anatola, piša telehram-kanał «Dzikaja pryroda pobač».
Paranienaje ptušania šeraha žuraŭla niekalki hadoŭ nazad trapiła da Anatola na padvorak. Da 2024 hoda z ptušaniaci vyras pryhožy darosły samiec, na čyje kryki ź nieba spuściłasia dzikaja samka i na leta zastałasia ź im.
Ale ŭ pieršuju vosień samka dałučyłasia da čarady surodzičaŭ i adlacieła ŭ vyraj. Viasnoj ža 2025 hoda jana viarnułasia! Ptuški vykanali šlubnyja tancy i znoŭ zastalisia razam na ŭsio leta.
Vosieńniu žuravy tolki adhukalisia na kryki surodzičaŭ, jakija pralatali pobač. Para zastałasia zimavać razam.
Hetaj zimoj marazy pad Maładziečnam dasiahali -34°C. Samiec na noč chavaŭsia ŭ ciopły chleŭ, a jaho siabroŭka spała na dvare na nievialikim achapku siena. Ranicaj jon vybiahaŭ da jaje, i ceły dzień jany pravodzili razam. Haspadar padkormlivaŭ žuraŭlichu kukuruzaj i razmarožanaj kilkaj.
Hetaj viasnoj nad padvorkam Anatola pralacieła čarada z 12 šerych žuravoŭ. Jany adhuknulisia na kryki pary i spuścilisia. Ptuški pahamanili pamiž saboj i čarada palacieła dalej, a samka zastałasia. Ciapier budziem čakać, ci źjaviacca ŭ pary ptušaniaty.
Hetaja historyja — dzivosny prykład viernaści ŭ dzikaj pryrodzie.
«Hryša žyvie tut, budzie jamu kampanija». Siamja z Babrujska prytuliła na padvorku piać lebiedziaŭ, jakija trapili ŭ biadu
«Heta budzie «Artek» dla žyvioł». «Dom Bresckaha busła» ŭratavany: ułady adhuknulisia
«Najlepšaje ŭ žyćci — bačyć, jak uźlatajuć ci ŭciakajuć tyja, kamu my dapamahli». Biełaruska raskazała, jak ratuje dzikich žyvioł
«Nie taki ŭžo jon bieły i puchnaty». Kiraŭnik centra pa ratavańni busłoŭ raskazaŭ pra ich šmat cikavaha
Kamientary