Minzdaroŭja ŭniesła źmieny ŭ praviły pracy chutkaj dapamohi — vyznačany dakładny čas prybyćcia miedykaŭ na vyklik
Ministerstva achovy zdaroŭja ŭniesła źmieny ŭ praviły pracy słužby chutkaj miedycynskaj dapamohi, udakładniŭšy časovyja ramki prybyćcia bryhad na vykliki i katehoryi terminovaści zvarotaŭ.
Ciapier dakumient dakładna rehłamientuje, jak chutka pavinna pryjechać bryhada, jakija vypadki patrabujuć nieadkładnaha ŭmiašańnia, a kali chutkaja dapamoha nie vyjazdžaje. Jon apublikavany na Nacyjanalnym pravavym internet-partale.
U zvyčajnych umovach čas čakańnia chutkaj dapamohi zaležyć ad stupieni terminovaści vykliku i miesca pražyvańnia pacyjenta. Pry ekstrannych situacyjach, jakija pahražajuć žyćciu, bryhada pavinna prybyć na praciahu 20 chvilin u horadzie i nie paźniej za 35 chvilin za jaho miežami. Dla vyklikaŭ, jakija patrabujuć nieadkładnaj dapamohi, ale nie ŭjaŭlajuć niepasrednaj pahrozy žyćciu, normy składajuć da 75 chvilin u horadzie i da 90 chvilin u sielskaj miascovaści.
Isnujuć i inšyja katehoryi vyklikaŭ z ustanoŭlenymi časovymi ramkami. Naprykład, transparciroŭka pacyjentaŭ abo kanstatacyja śmierci patrabujuć prybyćcia bryhady na praciahu 135 chvilin u horadzie i 150 chvilin u inšych nasielenych punktach.
Kansultacyi psichijatryčnaj bryhady mohuć zajmać da 195 chvilin u horadzie i 210 chvilin u sielskaj miascovaści. Vyjezdy pa zapycie orhanaŭ unutranych spraŭ dla kanstatacyi śmierci majuć svaje normy — 75 i 90 chvilin adpaviedna.
U pieryjady pavyšanaj zachvorvalnaści, naprykład padčas epidemij, čas čakańnia moža pavialičycca da 195 chvilin u horadzie i 210 chvilin za jaho miežami.
Dakumient padrabiazna apisvaje, jakija stany adnosiacca da ekstrannych. Da ich adnosiacca strata śviadomaści, sutarhi, prablemy z dychańniem, darožna-transpartnyja zdareńni z paciarpiełymi, surjoznyja apioki, atručvańni, vypadki ŭtapleńnia abo paviešańnia, elektratraŭmy, rody, pažary i inšyja situacyi, jakija mohuć pryvieści da śmiarotnaha zychodu. Asablivaja ŭvaha nadajecca dzieciam da troch hadoŭ: navat apioki luboj stupieni abo vysokaja tempieratura z vysypam ličacca ekstrannym vypadkam.
Da nieadkładnych vyklikaŭ adnosiacca alerhičnyja reakcyi, boli ŭ žyvacie, śpinie abo hrudzi, vysokaja tempieratura, jakaja nie źnižajecca haračkapanižalnymi, krovatoki, rezkija skački cisku, prystupy epilepsii ŭ pacyjentaŭ z ustalavanym dyjahnazam, vanity, charčovyja atručvańni, a taksama vypadki, kali stan pacyjenta paharšajecca nastolki, što jaho niemahčyma adekvatna acanić pa telefonie, ci patrabujecca transparciroŭka.
Instrukcyja taksama dakładna vyznačaje, u jakich vypadkach chutkaja dapamoha nie akazvaje pasłuhi.
Bryhady nie pryznačajuć dalejšaje lačeńnie, nie vypisvajuć recepty i listki niepracazdolnaści, nie vykonvajuć pryznačeńni inšych lekaraŭ, za vyklučeńniem abiazbolvańnia ankałahičnych pacyjentaŭ pa-za pracoŭnym časam paliklinik. Chutkaja dapamoha nie pravodzić aśviedčańnie na stan ałkaholnaha abo narkatyčnaha apjanieńnia, nie zajmajecca płanavym transparciravańniem pacyjentaŭ bieź miedycynskich pakazańniaŭ, a taksama nie vykonvaje pracedury dohladu i nie źmianiaje raniej ustalavanyja miedycynskija vyraby.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary