Rasijanie nanieśli rekordnuju kolkaść udaraŭ pa Zaparožskaj vobłaści
Za minułyja sutki Zaparožskaja vobłaść pieražyła čarhovy «rekord» napadaŭ rasijskich akupantaŭ. Zafiksavany 34 razbureńni hramadzianskich abjektaŭ, piša UNIAN.
Jak paviedamiŭ kiraŭnik Zaparožskaj abłasnoj vajennaj administracyi Alaksandr Staruch, za sutki rasijanie 224 razy abstralali Zaparožskuju vobłaść.
«Žorstkaść zachopnika nie maje miežaŭ i nie pierastaje žachać. Pryjšoŭšy ŭ cyvilizavanuju krainu, varvary źniščajuć infrastrukturu, pad pastajannaj pahrozaj žyćci mirnych ukraincaŭ, jakija znachodziacca na liniju ahniu», — skazaŭ jon.
Rasijskija vojski praciahvajuć ściahvać techniku na zaparožskim kirunku i nie pakidajuć namieraŭ całkam zachapić terytoryju vobłaści, 60% jakoj užo akupavana.
Napiaredadni zachopniki abjavili ab namierach pačać «vyzvaleńnie» vobłaści, ukrainskija vajskoŭcy čakajuć aktyvizacyi bajavych dziejańniaŭ u Zaparožskaj vobłaści viasnoj i letam.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary