U Minsku zatrymali vysokapastaŭlenaha śledčaha. Jon byŭ načalnikam śledčaj hrupy pa spravie Tut.by
U Minsku zatrymali načalnika ŭpraŭleńnia pa rasśledavańni złačynstvaŭ u finansava-kredytnaj śfiery centralnaha aparata Śledčaha kamiteta Biełarusi Dźmitryja Dalińnika. Pra heta paviedamili «Lusterku» dźvie krynicy.
Pa infarmacyi adnoj z krynic, zatrymańnie adbyłosia jašče ŭ listapadzie minułaha hoda. Zatrymali vysokapastaŭlenaha śledčaha za chabar — nazyvałasia suma ŭ 500 tysiač dalaraŭ. Krynica taksama paviedamiła, što akramia Dalińnika byli zatrymanyja niekalki słužbovych asob z Departamienta finansavych rasśledavańniaŭ Kamiteta dziaržkantrolu. Z hetym viedamstvam Dalińnik supracoŭničaŭ pa abaviazku słužby — usie bujnyja «finansavyja spravy» pieradavalisia z DFR KDK mienavita va ŭpraŭleńnie pa rasśledavańni złačynstvaŭ u finansava-kredytnaj śfiery centralnaha aparata SK.
Pavodle źviestak, atrymanych ad inšaha infarmatara, Dźmitryja Dalińnika ŭziali za atrymańnie chabaru ŭ 20 tysiač dalaraŭ.
«Jaho zatrymali ŭ dzień jaho naradžeńnia — 11 listapada. Nakolki mnie viadoma, uziali kahości jašče z DFR», — paviedamiŭ jon.
Infarmacyju pra toje, što Dalińnik zatrymany, paćvierdzili taksama ŭ arhanizacyi byłych siłavikoŭ Biełarusi BYPOL.
«Zatrymany miesiac tamu za chabar. I nie adzin», — raspaviali ŭ BYPOL.
Pavodle niepaćvierdžanaj infarmacyi, jon znachodzicca ŭ SIZA KDB.
Jaho mabilny telefon nie adkazvaje. Na adnym z haradskich numaroŭ, paznačanych jak jaho rabočy, paviedamili, što «Dźmitryj Alaksandravič chvareje».
«Naŭrad ci ŭ vas atrymajecca ź im źviazacca», — paviedamili pa inšym numary.
Dźmitryj Dalińnik uznačalvaŭ śledčuju hrupu pa «spravie Tut.by».
-
Anatol Vajciachoŭski spakojna pryjechaŭ u Biełaruś rejsavym aŭtobusam
-
«Takich skockich adnosin, jak u baranavickim SIZA, ja nidzie nie sustrakała». Piensijanierka Alena Hnaŭk raskazała, jak ź jaje ździekavalisia za kratami
-
Na BT zajavili, što špijon Uładzimir Usier pisaŭ z Polščy ŭ kamisiju pa viartańni
U zahinułaj u Ślapiancy dziaŭčynie apaznali Janu Kastrankovu2
Kamientary