Geely ŭ Biełarusi vypuściŭ novy biudžetny siedan. Kolki kaštuje «narodny» aŭtamabil?
Bolš za hod biełaruska-kitajski vytvorca «BiełDžy» pradavaŭ tolki krasoviery. Za niekalki dzion da Novaha hoda biełarusam prezientavali lehkavik u kuzavie siedan. Heta budzie samy tanny aŭtamabil u liniejcy Geely.
Pad kapotam u Geely Emgrand New bienzinavy ruchavik abjomam 1,5 litra mahutnaściu 114 konskich sił. Na biahučy momant aŭtamabil dasiažny ŭ dvuch varyjantach kamplektacyi: Standart i Flagship.
Siedan u standartnaj kamplektacyi ź miechaničnaj karobkaj pieradač kaštuje 45 200 rubloŭ, što składaje kala 16 700 dalaraŭ.
Aŭtamabil u kamplektacyi Flagship maje aŭtamatyčnuju karobku pieradač i bahaciejšaje azdableńnie. Jaho cana 54 200 rubloŭ (kala 20 000$).
Da źjaŭleńnia Emgrand New samym tannym aŭtamabilem marki, dasiažnym na biełaruskim rynku, zastavaŭsia parkietnik Soolray, jaho možna nabyć pa cenach ad 62 815 rubloŭ (kala 23 200$).
Novy siedan ad «BiełDžy» stanie adnym z samych dastupnych aŭto ŭ svaim kłasie. Mahčyma, što, dziakujučy vychadu na rynak biudžetnaj madeli, aŭtamabili biełaruska-kitajskaj vytvorčaści stanuć samymi pradavanymi siarod novych aŭtamabilaŭ u krainie, bo vypusk zachodnich aŭtamabilaŭ rasijskaj zborki ŭpaŭ u vyniku sankcyj.
Pa vynikach 11 miesiacaŭ 2022 hoda lidaram na rynku zastajecca marka LADA — z vynikam 3 698 aŭtamabilaŭ. Geely zajmaje druhuju pazicyju z 3 197 pradadzienymi mašynami. Cikava, što 81% usiaho aŭtamabilnaha rynku lehkavych aŭtamabilaŭ Biełarusi ŭ listapadzie 2022 hoda skłaŭ brend Geely.
Na kuplu novych Emgrand New buduć dziejničać ilhotnyja finansavyja prahramy — kredyt i lizinh ad 5% da 10 hadoŭ u biełaruskich rublach. Pieršapačatkovy ŭniosak — ad 25% ad koštu aŭtamabila.
Čytajcie taksama:
Jakija mašyny stali samymi pradavanymi ŭ Biełarusi i što jašče źmianiłasia na aŭtarynku za hod
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć99
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć9
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes21
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
Biełstat hovorit v sriedniem 1670, značit narodnyj avtomobil dołžien stoiť około 17 000 r.