TOP-7 najlepšych tvoraŭ pra Kalady. Novaje VIDEA na kanale Andreja Chadanoviča
U Kaladnuju noč pryniata zahadvać žadańni. U biełarusaŭ ich budzie dva: svaboda i pieramoha śviatła nad ciemraj. Andrej Chadanovič u novym videa na svaim kanale havoryć pra Kalady ŭ suśvietnaj i biełaruskaj litaratury.
Ernst Hofman. «Ščaŭkunok»
Heta kniha pra nieabchodnaść vyjści z adnoj epochi, jakuju Hofman niedalublivaje, i kročyć u inšuju. Z epochi materyjalistyčnaha skiepsisu — u śviet ramantyzmu, entuzijazmu, u śviet mistyki i viery ŭ cud, ale najpierš u śviet razumieńnia, što viera, nadzieja i luboŭ macniejšyja za chałodnyja viedy.
Čarlz Dykiens. «Kaladny charał»
Dykiens piša tvor na zamovu. Jaho siabra prosić napisać traktat, jaki dapamoh by biednym, traktat, jaki b dapamoh skaracić pracoŭny dzień. Dykiens biarecca za heta, a potym prapanoŭvaje lepšaje — nie suchi traktat, a mastacki tvor, jaki budzie ŭ sotni razoŭ macniejšy, čym prosta dobry traktat pra dobryja rečy. Čarlz Dykiens strymaŭ svajo słova.
O. Hienry. «Dary mudracoŭ»
Pračytajcie ci pieračytajcie apaviadańnie i adkažycie na pytańnie: hieroi — heta biazhłuzdyja dzietki, jakija zrabili hłupstva, ci, moža być, zrabili najmudrejšy ŭčynak u svaim žyćci?
Volha Takarčuk. «Prafiesar Endrus u Varšavie»
Kniha pra Zachad i Uschod. Pra tych na Zachadzie, jakija i blizka nie razumiejuć našy prablemy, pakul nie sutyknucca ź imi. A taksama pra toje, jak mała razumiejuć našy ŭschodnija susiedzi našu historyju.
Džanet Uintersan. «Leŭ, adnaroh i ja» i inšyja
Heta kaladnaja historyja taho, chto pavinien dapamahčy niemaŭlaci Chrystu ŭratavacca. Na hetu rolu pretendujuć hieraldyčnyja anhlijskija žyvioły leŭ i adnaroh, ale ŭsio dastajecca ścipłamu vośliku, bo jon zdolny na viernaść i tryvałaść.
Siarhij Žadan. «Merry Christmas, Jesus Christ, albo Viasiołaha Rastva, Isusie»
Aŭtar sprabuje źniać pył sa staražytnaha siužeta. Ź inšaha boku, tvor adhukajecca siońnia dvajaka, tamu što ŭvieś naš rehijon, i Ukraina najpierš, sam uvajšoŭ u toj stan, jaki, jak byccam z dystancyi hledziačy, apisvaje Žadan.
Anton Francišak Bryl. «Myšynyja Kalady»
Piśmieńnik, z adnaho boku, reabilituje myšej, jakich Hofman pakazvaje ciomnym vojskam, a z druhoha boku, ažyŭlaje staražytny biełaruski narodny teatr.
Stavim padabajki, kamientujem i dzielimsia hetym videa ź siabrami i siabroŭkami.
Hladzicie taksama:
Čyj Adam Mickievič: biełaruski, polski ci litoŭski kłasik? Novaje VIDEA na kanale Andreja Chadanoviča
Maksim Bahdanovič. Jak na čužynie za 25 hadoŭ žyćcia stać ulubionym paetam Biełarusi. Novaje VIDEA na kanale Andreja Chadanoviča
Biełaruski śled Hijoma Apalinera. Novaje VIDEA na kanale Andreja Chadanoviča
-
10 000 aŭtaraŭ u Brytanii vypuścili «pustuju» knihu, pratestujučy suprać vykarystańnia štučnaha intelektu
-
Vydaviectva Gutenberg Publisher zapisała aŭdyjaviersiju apaviadańnia Jevy Viežnaviec «Hajučaja nianaviść»
-
Cichan Čarniakievič: Realnaść stała takoj absurdnaj, što chočacca zapisać jaje, pakul nie źnikła
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku6
Kamientary