Jak piša sa spasyłkaj na nienazvanych čynoŭnikaŭ amierykanskaje vydańnie Wall Street Journal, Złučanyja Štaty tajemna madyfikavali rakietnyja kompleksy HIMARS, jakija jany pastaŭlajuć Ukrainie, kab źnizić ich dalnabojnaść.
Takaja miera zaściarohi, na dumku administracyi Bajdena, była nieabchodnaja, kab źnizić ryzyku eskałacyi kanfliktu z Rasijaj, kali ŭkrainskaje vojska vyrašyć prymianić amierykanskija rakietnyja sistemy dla naniasieńnia ŭdaraŭ pa rasijskaj terytoryi.
U ahulnaj kolkaści ZŠA pastavili va Ukrainu 20 kompleksaŭ HIMARS i vialikuju kolkaść rakiet sa spadarožnikavym naviadzieńniem radyusam dziejańnia kala 75 km. Hetyja rakiety pad nazvaj GMLRS aktyŭna prymianiajucca dla ŭdaraŭ pa rasijskich składach bojeprypasaŭ, transpartnych sietkach i kamandnych punktach na akupavanaj terytoryi Ukrainy. Adnak z-za śpiecyjalnych madyfikacyj bajavyja kompleksy HIMARS nie mohuć vykarystoŭvacca dla prymianieńnia mahutnych rakiet ATACMS, jakija zdolnyja źniščać celi na adlehłaści da 300 km.
ZŠA ŭ lubym vypadku nie pastaŭlajuć va Ukrainu rakiety ATACMS, adnak madyfikacyi ŭsio roŭna byli zroblenyja na toj vypadak, kali Kijeŭ zmoh by nabyć ATACMS u trecich krain. Bolš za toje, pieradadzienyja Ukrainie sistemy HIMARS naohuł nie mohuć vykarystoŭvać nijakija inšyja rakiety, akramia GMLRS, navat kali b Kijeŭ zmoh sam stvaryć abo zakupić takija bojeprypasy.
Pientahon nie raskryvaje padrabiaznaści ab tym, jakija mienavita madyfikacyi byli zroblenyja dla ŭkrainskich sistem, vajskoŭcy tolki paćviardžajuć, što heta tyčycca i prahramnaha zabieśpiačeńnia, i miechaničnych častak.
«Ź mierkavańniaŭ apieratyŭnaj biaśpieki my nie kamientujem publična kanfihuracyju bajavych sistem, jakija pieradajucca našym sajuźnikam i partnioram, — zajaviŭ u suviazi z hetym pradstaŭnik Pientahona bryhadny hienierał Patryk Rajder. — Ale ZŠA praciahnuć davać Ukrainie srodki, nieabchodnyja dla procidziejańnia rasijskaj ahresii».
Ciapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ2
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary
vy, jak jabaćka (a moža jabaćka i jość) - tyja taksama kazali - jakaja tabie sprava? nie leź nie ŭ svaju spravu i t.p.