Vy kudyści śpiašajeciesia, ale ž lubimaja kofta ci štany jašče mokryja. Znajomaja historyja? Tady dzielimsia z vami łajfchakami dla takich situacyj.
Jość mnoha sposabaŭ chutka vysušyć adzieńnie. Adzin z papularnych varyjantaŭ — vykarystać pras. Niekalki chvilin prasavańnia z dapamohaj vysokaj tempieratury chutka vyparać vadu z mokraha adzieńnia, taksama adzieńnie nie budzie miacca, i vy zmožacie chutka jaho nadzieć.
Nieardynarnaje, ale efiektyŭnaje rašeńnie — sušyć rečy ŭ duchoŭcy. Ale majcie na ŭvazie, što niapravilny padychod da hetaj spravy moža paškodzić adzieńnie, tamu budźcie aściarožnyja i trymajcie mokryja rečy ŭ duchoŭcy nie daŭžej za 5 chvilin. Fien taksama padydzie, a jašče možna sušyć adzieńnie ŭ mikrachvaloŭcy, asabliva dobra heta spracuje z mokraj bializnaj.
Usio hetyja łajfchaki efiektyŭnyja tolki pry dastatkova vysokaj tempieratury, tamu takim čynam nielha sušyć adzieńnie, naprykład, z płastykavymi elemientami.
Asobna raskažam, jak vysušyć štany. Zvyčajna hety pradmiet adzieńnia sochnie doŭha, i prasavańnie nie nadta dapamahaje. Dobra spracuje fien: prosta źmiaścicie jaho ŭ adnu z kałašyn, pry hetym vierchniuju častku štanoŭ treba skłaści i adprasavać. Praź niekalki chvilin paŭtarycie apieracyju ź inšaj kałašynaj. Narešcie ŭ vas zastaniecca tolki vierchniaja častka štanoŭ, jakuju možna lohka vysušyć fienam.
Štany, asabliva džynsy, taksama možna lohka vysušyć u duchoŭcy. Prosta pakładzicie ich u razahretuju da 200 hradusaŭ duchoŭku i pačakajcie nie bolš za 5 chvilin. Sačycie za časam — kali pakinuć adzieńnie ŭ duchoŭcy nadoŭha, jano paškodzicca.
Toje ž samaje datyčyć i mikrachvaloŭki: kali adzieńnie prasušyć tam na chvilinu bolš, čym treba, jano budzie nieprydatnym dla našeńnia. Časam heta sprava nie vartaja ryzyki, tamu samy biaśpiečny sposab vysušyć adzieńnie — vykarystać fien abo prosta vybrać inšaje adzieńnie.
Jak časta treba myć vopratku ŭ chałodny siezon? Tłumačym
U čym modnyja minčuki sustrakajuć zimu? FOTY
«Dzie ty zhubiŭ štany?» U modu ŭvachodzić prazrystaje adzieńnie — i navat nižniaja bializna
Ciapier čytajuć
Novy pasoł Ukrainy pa pytańniach Biełarusi: «Pryznajom Cichanoŭskuju lidaram. A ŭ Łukašenki niama manapolii na hołas naroda»48
Kamientary