ZŠA: Rasija vinavataja ŭ padzieńni rakiety na polskuju terytoryju ŭ lubym vypadku, što b ni pakazali vyniki rasśledavańnia
ZŠA buduć ličyć Rasiju adkaznaj za padzieńnie rakiet u Polščy niezaležna ad kančatkovych vysnoŭ rasśledavańnia, zajaviła pradstaŭnica Rady nacyjanalnaj biaśpieki ZŠA Edryen Uotsan.
«Jakimi b ni byli kančatkovyja vyniki,
zrazumieła, što ŭ rešcie rešt adkaznaj za hety trahičny incydent źjaŭlajecca Rasija, jakaja abstralała Ukrainu rakietami, śpiecyjalna pryznačanymi dla paražeńnia hramadzianskaj infrastruktury. Ukraina mieła i maje prava na samaabaronu», — skazała Uotsan.
Pry hetym jana adznačyła, što amierykanski bok «całkam daviaraje rasśledavańniu polskaha ŭrada».
«My nie budziem apiaredžvać ich pracu i zastajomsia ŭ ciesnym kantakcie z našymi polskimi kalehami, bo pakul źbirajem infarmacyju. My nie ŭbačyli ničoha, što supiarečyła b papiaredniaj acency prezidenta Dudy, zhodna ź jakoj hety vybuch, chutčej za ŭsio, byŭ vynikam uzryvu ŭkrainskaj rakiety SPA, jakaja, na žal, pryziamliłasia ŭ Polščy», — dadała Uotsan.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1515
Kamientary