«Rabotniki biaruć udzieł u telehram-čatach». Stała viadoma, ź jakimi farmuloŭkami zakryli fond «Viartańnie»
Pradprymalnik i miecenat Pavieł Padkarytaŭ apublikavaŭ u fejsbuku kopiju pazoŭnaj zajavy Minskaha haradskoha suda ad 10 kastryčnika 2022 hoda ab likvidacyi fondu «Viartańnie». Siarod inšaha praz hety fond miecenat šmat hadoŭ pravodziŭ dabračynnuju dziejnaść u Biełarusi na kulturna-aśvietnickaj hlebie. Pavodle stylistyki hety dakumient nahadvaje palityčny danos.
Pavodle hetaj zajavy, ustanoŭlena (stylistyka zachavanaja), što «fond zajmaŭsia nieadpaviednaj metam i pradmietu dziejnaściu, paznačanaj u statucie fondu (dziejnaść fondu palityzujecca)».
Pavodle sudovych rabotnikaŭ, «fond uvachodzić u koła tak zvanych «pratesnych» supolnaściaŭ, a rabotniki hetaha fondu prymajuć aktyŭny ŭdzieł u telehram-čatach, dziejnaść jakich pryznanaja na terytoryi Respubliki Biełaruś niezakonnaj, ekstremisckaj, dzie abmiarkoŭvajecca źmiena kanstytucyjnaha ładu ŭ Respublicy Biełaruś, ažyćciaŭlajucca sproby destruktyŭnaha ŭpłyvu na hramadstva, asabliva na maładuju, niaśpiełuju jaho častku, sposaby fizičnaha ŭździejańnia, až da fizičnaha źniščeńnia, rabotnikaŭ pravaachoŭnych orhanaŭ, dziaržaŭnych słužačych, pradstaŭnikoŭ ułady».
Akramia taho, słužbovyja asoby fondu, maŭlaŭ, «raspaŭsiudžvajuć zaviedama chłuślivyja źviestki pra palityčnaje, ekanamičnaje, sacyjalnaje, vajennaje i mižnarodnaje stanovišča Respubliki Biełaruś, jakija dyskredytujuć Respubliku Biełaruś».
U suviazi z hetymi šabłonnymi dla ciapierašnich časoŭ abvinavačańniami sud Minskaha rajona prapanuje likvidavać dabračynnuju arhanizacyju.
Dyrektar fondu «Viartańnie» Siarhiej Makarevič 4 listapada byŭ aryštavany siłavikami i ciapier znachodzicca ŭ hrodzienskim SIZA. Sam fond byŭ aficyjna likvidavany ŭ kancy kastryčnika.
Sprava fondu «Viartańnie», vierahodna, znachodzicca ŭ źviazcy sa spravaj PTUP «Majontak Padarosk», kiraŭniki jakoha, Juraś Mielaškievič i Dźmitryj Karabač, taksama byli niadaŭna aryštavanyja.
Čytajcie taksama:
Zatrymali supracoŭnika fondu «Viartańnie» Siarhieja Makareviča
Likvidavali fond «Viartańnie». Jon šmat spryjaŭ biełaruskaj kultury
Kiraŭnik i finansavy dyrektar «Majontka Padarosk» zastajucca pad vartaj
-
U kobrynskaj balnicy patłumačyli, čamu ŭ joj niemetazhodna mieć svoj aparat MRT. Žychary nie zhodnyja
-
Biełarusaŭ u Maskvie vyzvalili ad abaviazkovaj rehistracyi, pad jakuju trapiać inšyja inšaziemcy
-
«U mianie było piać mužčyn. Šosty — Isus». Asia Papłaŭskaja chacieła stać manaškaj, ale nie atrymałasia
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia21
Kamientary