U minskaj Sierabrancy pradajecca kvatera z pałacavym interjeram
Vielizarnaja kvatera ź interjeram, bolš prydatnym dla karaleŭskaha pałaca, pradajecca ŭ adnym sa šmatpaviarchovikaŭ u Sierabrancy, piša «Zierkało».
Kvatera płoščaj 355 kvadratnych mietraŭ zajmaje vośmy pavierch u cahlanym piatnaccacipaviarchoviku na vulicy Jakubava ŭ Minsku. Košt nieruchomaści — 942390 rubloŭ abo 370000 dalaraŭ (1042 dalary za kvadratny mietr).
U kvatery jość haścioŭnia, abjadnanaja sa stałovaj, try spalni z ułasnymi harderobnymi, kabiniet, kuchnia z abiedziennaj zonaj, čatyry sanvuzły, saŭna, asobnyja harderobnyja, pralnia, try kładoŭki, šeść zašklonych łodžyj. U dadatak da žylla majecca dva mašynamiescy ŭ parkinhu.
Kvatera całkam adramantavanaja. Jaje interjer imknulisia zrabić u kłasičnym styli, u vyniku atrymałasia źmiešvańnie. Jość tut pazałota, kresły z mudrahielistymi nožkami, ciažkija kanapy i kresły z zakručanymi padłakotnikami, strakatyja dyvany, kryštal, šmatjarusnyja hardziny i mnohaje inšaje. Vyhladaje vielmi doraha, ale takoje ŭbrańnie abiare daloka nie kožny.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada13
Kamientary