U Mazyry źjavicca dziasiatak histaryčna-falkłornych hrafici — pahladzicie na pieršyja malunki, što ŭžo ŭpryhožyli horad
Niadaŭna my raskazvali pra dramatyčny los niekalkich minskich murałaŭ, jakija źnikli sa ścien stalicy. Ale jość i dobryja naviny. U Mazyry zaraz prachodzić pieršy haradski fiestyval vuličnaha mastactva, u vyniku jakoha horad staŭ jarčejšym užo na try hrafici. Błoh «1906» daviedaŭsia pra inicyjatyvu padrabiaźniej. My pieradrukoŭvajem hety tekst.
Haradski fiestyval vuličnaha mastactva pad nazvaj «Lehiendy Mazyra» pry padtrymcy inicyjatyvy Urban Myths praduhledžvaje źjaŭleńnie dziesiaci murałaŭ ad roznych mastakoŭ. Usie jany tak ci inakš abjadnanyja adnym kirunkam: historyja, falkłor i pryrodnyja asablivaści horada.
U pracesie stvareńnia adnaho z malunkaŭ
«Kali rychtavałasia kancepcyja prajekta, my vielmi šmat razmaŭlali ź miascovymi krajaznaŭcami, chadzili ŭ muziej, daviedalisia pra redkija pryhožyja raśliny mazyrskich jaroŭ. Potym adabrali ŭsio samaje cikavaje z hetaj infarmacyi i pieradali dla natchnieńnia mastakam — miascovym i ź inšych haradoŭ. Kab jany ŭžo pieraasensavali heta ŭ svaim styli», — apisvajuć kuratary prajekta.
Naprykład, zhodna z adnoj ź lehiend, mahičny Mazyr staić na vielizarnaj vustrycy (račnaja vustryca pierłavica — typovy nasielnik Prypiaci). Mienavita hetaja fantazija ŭvasobiłasia ŭ pieršaj realizavanaj pracy studentki Biełaruskaj dziaržaŭnaj akademii mastactvaŭ Lizaviety Jankovaj pad nazvaj «Mazyrskaja hałaktyka».
Jašče adzin z užo hatovych murałaŭ — praca ŭ falkłornym styli «Na ŭzhorkach» Aleny Katoŭskaj. Na joj možna pabačyć abrysy Mazyrskaha zamka, raźlivy Prypiaci i malaŭničyja ŭzhorki ŭźbiarežža. Aryjencir, kab adšukać novaje hrafici dla sełfi, — haradski harnałyžny kompleks.
Pa vulicy ž Internacyjanalnaja 47, niedaloka ad stadyjona «Junactva», miascovyja i hości Mazyra zmohuć lubavacca simvałam horada z hierba — załatym arłom u vobrazie rycara.
Napieradzie va ŭrbanistaŭ — pieraniasieńnie jašče siami malunkaŭ z eskizaŭ na ścieny horada. Prajekt robicca na entuzijaźmie miascovych aktyvistaŭ i zaprošanych mastakoŭ, tamu kožny žadajučy moža patrymać ich spravu na «Patreonie».
Uvohule, heta nie adziny cikavy prajekt tvorčaj moładzi, jaki jana maryć raelizavać u Mazyry. U płanach taksama sajt z histaryčnymi artykułami i ŭspaminami viadomych mazyran, niefarmalny kanał u telehramie z paradami, jak cikava možna bavić čas, i rehularnyja ekskursii pa tajamničych miescach horada.
Čytajcie taksama:
U dziesiaci haradach Biełarusi źjaviacca hrafici na histaryčnuju tematyku — pahladzicie, jakija murały ŭpryhožać Pinsk i Mazyr FOTY
Mastackim rośpisam pa niesankcyjanavanych nadpisach. Ułady inicyjavali stvareńnie nie mienš za 120 hrafici ŭ Minsku
-
Maładaja aktrysa Kołasaŭskaha teatra, jakaja začapiła ludziej vykazvańniem pra biełaruskuju movu, zvalniajecca
-
Pa-biełarusku vyjdzie «Biełaruski snajpier» pasła Šarepki, a Kviatkoŭski napisaŭ praciah «Frašak»
-
Mužčyny płačuć! Akcior i muzyka «Raźbitaha serca pacana» Pavieł Haradnicki zrabiŭ śpiektakl na vieršy Mikity Najdzionava
Ciapier čytajuć
«Ja byŭ u takoj dupie, ale pahladzicie na mianie». Staŭki daviali biełarusa da dna — jon raskazvaje, jak vybraŭsia nazad2
Kamientary