Mastackim rośpisam pa niesankcyjanavanych nadpisach. Ułady inicyjavali stvareńnie nie mienš za 120 hrafici ŭ Minsku
U Minsku ŭ 2022 hodzie nie mienš za 120 inžyniernych zbudavańniaŭ centralizavana zabiaśpiečać mastackim rośpisam. Pra heta padčas niadaŭniaj pramoj linii raskazaŭ namieśnik staršyni Minharvykankama Alaksandr Darachovič, paviedamlajuć «Minsk-Naviny».
Darachovič ličyć, što naściennyja «karciny nie tolki radujuć voka, ale i niasuć antyvandalnuju funkcyju: hraficisty pierastajuć usprymać takija ścieny jak pałotny».
Tamu «ŭ hetym hodzie pradpryjemstvam «Minskkamunciepłasietka», «Minskvodakanał», «Minskija ciepłavyja sietki» i «Minskija kabielnyja sietki» pastaŭlenaja zadača raśpisać nie mienš za 30 svaich zbudavańniaŭ: pompavych stancyj, ciepłapunktaŭ i inš.», — skazaŭ Darachovič.
Jon taksama anansavaŭ, što sioleta malunki źjaviacca na ścienach i aharodžach abjektaŭ, jakija raźmiaščajucca ŭzdoŭž čyhunki.
Mastacki rośpis, na dumku čynoŭnika, pavinien «pierałamać situacyju», kali «na prylehłych da čyhunačnych šlachoŭ pabudovach i płatach pastajanna źjaŭlajucca niesankcyjanavanyja nadpisy».
Eskizy budučych malunkaŭ uzhadniajucca architektarami administracyj rajonaŭ, a ŭvasablać ich u žyćcio ŭ asnoŭnym buduć studenty tvorčych VNU.
Ciapier čytajuć
Na kupianskim kirunku zahinuŭ biełaruski dobraachvotnik Alaksiej «Ryžy» Aŭdziej13
Na kupianskim kirunku zahinuŭ biełaruski dobraachvotnik Alaksiej «Ryžy» Aŭdziej
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary