Hramadstva

Łukašenku ahučyŭ pierad Pucinym prośbu pra «lustrany» adkaz Zachadu. Havorka pra jadziernuju zbroju ŭ Biełarusi

Rankam 25 červienia rasijskija dalokija zvyšhukavyja rakietanoscy-bambardziroŭščyki Tu-22M3 ździejśnili masiravany rakietny ŭdar pa ŭkrainskich haradach z terytoryi Biełarusi. Takoje adbyłosia ŭpieršyniu. Na siońniašniaj sustrečy z Pucinym u Sankt-Pieciarburhu Łukašenka havaryŭ pra nieabchodnaść «lustranoha» adkazu na dziejańni NATA. Mova była pra mahčymaści raźmiaščeńnia jadziernaj zbroi.

Na sustrečy Łukašenka paprasiŭ Pucina dapamahčy ź lustranym adkazam na paloty avijacyi NATO ź jadziernaj zbrojaj la miežaŭ Biełarusi.

«Ja prašu vas razhledzieć pytańnie lustranoha adkazu na hetyja rečy. Bieź pieraboru. Jany trenirujucca nieści jadziernyja bojehałoŭki. Vy, kali łaska, dapamažycie nam chacia b prystasavać našy samaloty, jakija ŭ nas jość, jakija mohuć nieści jadziernyja zarady. Ja nie kažu ab tym, što my zaŭtra pieraviaziom (ci vy pieravieziacie) tudy jadziernyja bojeprypasy. Ale nam nielha žartavać.

My pamiatajem 1941-y, kali nas zakałychvali: usio budzie dobra, usio cicha, nichto nie napadzie. A potym apynulisia nie hatovyja da hetaha. Tamu dla nas vielmi surjoznaja situacyja. Nie ŭ pieršy raz staŭlu pierad vami hetaje pytańnie. Viedaju, što vy razhladali ŭ Ministerstvie abarony. Chaciełasia b pačuć, jak buduć raźvivacca tut padziei», — skazaŭ Łukašenka.

Pucin skazaŭ, što pakul «niama nieabchodnaści» takoj. Ale paviedamiŭ, što RF ciaham najbližejšych miesiacaŭ pieradaść Minsku kompleksy «Iskander-M» i prapanavaŭ daabstalavać biełaruskija samaloty Su-25 u Rasii.

Łukašenka taksama raspavioŭ Pucinu, što Biełaruś zaniepakojenaja kanfrantacyjnaj palitykaj Polščy i Litvy.

A taksama zajaviŭ, što zabarona na tranzit u Kalininhrad «padobna da abviaščeńniaju vajny»

i što Minsk raźličvaje na padtrymku Maskvy ŭ pašyreńni jaho statusu ŭ ŠAS. 

Abmierkavali surazmoŭcy taksama pytańni charčavańnia, sankcyi i inšyja prablemy.

Biełaruś prapanavała Rasii realizavać 15 sumiesnych prajektaŭ, Maskva ich adobryła.

Pucin paviedamiŭ, što abmierkavaŭ z Kabinietam ministraŭ RF pytańnie arhanizacyi impartazamiaščalnaj pradukcyi razam ź Biełarusi.

Taksama stała viadoma, što Pucin nie pryjedzie ŭ Biełaruś. Jon paŭdzielničaje ŭ «Forumie rehijonaŭ» u farmacie videa-kanfierencyi.

Kamientary

Ciapier čytajuć

Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7

Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki

Usie naviny →
Usie naviny

«Ciarpieńnie — najlepšaja zbroja pieramožanych». Konrad Adenaŭer, abo Palityki jakoha typu patrebnyja paśla dyktatury19

Maładoj mamie z Navahrudka dali 6 hadoŭ za karupcyju. Jana dakazała svaju nievinavataść — ale kali ŭžo adsiedzieła6

«Chaciełasia, kab žyćcio pastaviła mianie na miesca». Biełarus prajechaŭ bolš za 250 kiłamietraŭ pa Aŭstryi na rolikach4

Milicyja abviarhaje, što ŭ hibieli katoŭ u Minsku vinavaty skurałup3

U Minsku nieŭzabavie adkryjecca muziej piva1

Tramp uvioŭ dla inšaziemcaŭ «załatuju kartu» za $100 tysiač4

Ministarka abarony Litvy zaklikała źbivać rasijskija źniščalniki15

U centry Skidziela łoś prabraŭsia ŭ dvor i źjeŭ usie bujaki4

Ukrainski futbalist, adchileny ad futbołu z-za dopinhu, źbirajecca paŭdzielničać u budučaj Alimpijadzie ŭ inšaj ipastasi1

bolš čytanych navin
bolš łajkanych navin

Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7

Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki

Hałoŭnaje
Usie naviny →

Zaŭvaha:

 

 

 

 

Zakryć Paviedamić