Supracoŭniki UKDB RB pa Bresckaj vobłaści na terytoryi rehijonu vyjavili i spynili dziejnaść niezarehistravanaj relihijnaj arhanizacyi destruktyŭnaj skiravanaści «Farchat‑Ata».
Supracoŭniki UKDB RB pa Bresckaj vobłaści na terytoryi rehijonu vyjavili i spynili dziejnaść niezarehistravanaj relihijnaj arhanizacyi destruktyŭnaj skiravanaści «Farchat‑Ata».
Jak stała viadoma orhanam dziaržbiaśpieki, mierapryjemstvy nasili sistemny charaktar, a dla vykanańnia kultu i abradaŭ vykarystoŭvalisia arendavanyja pamiaškańni, a taksama kvatery uciahnutych u arhanizacyju, paviedamlaje BiełTA. Z Kazachstana ŭ Brest pryjazdžali «vučni Miesii», jakija ładzili dla prychilnikaŭ lačebnyja sieansy. Za kožny z takich sieansaŭ jany brali płatu pa 50 tysiačaŭ biełaruskich rubloŭ za adnu hadzinu.
U chodzie rasśledavańnia taksama było ŭstanoŭlena, što ŭ traŭni minułaha hodu pamior žychar Bresta, jaki admoviŭsia ad miedykamientoznaha lačeńnia žychar, patrapiŭšy pad relihijnaje ŭpłyŭ adeptaŭ kultu.
Padčas čarhovaha vizitu vučniaŭ «Farchat‑Aty» u Brest, supracoŭniki KDB zrabili kantrolnuju zakupku pasłuh u kiraŭnika bresckaha adździaleńnia niezarehistravanaj arhanizacyi. Pavodle vynikaŭ pravierki supracoŭniki padatkovaj inśpiekcyi ŭ dačynieńni da arhanizatara skłali try administracyjnych pratakoły i nakiravali ich dla razhladu ŭ sudy adpaviednych instancyj.
Supracoŭniki KDB miarkujuć, što stvorany ŭ Breście kult paśladoŭnikaŭ «Farchat‑Ata» źjaŭlaŭsia typovym kamiercyjnym prajektam z relihijnaj abałonkaj, nakiravanym na vymańvańnie srodkaŭ u jakija majuć prablemy sa zdaroŭjem hramadzian.Pavodle najaŭnych źviestak, pad relihijnaje ŭpłyŭ siekty «Farchat‑Ata» patrapili kala 130 čałaviek.
Daviedka.«Farchat‑Ata» była stvoranaja ŭ siaredzinie 1980‑ch hadoŭ hramadzianinam Kazachstana Abdułajevym Farchatam Muchamiedovičam, jaki ŭźvioŭ siabie ŭ ranh «Stvaralnika» i «Miesii čałaviectva». U Rasii i Kazachstanie zafiksavany šerah vypadkaŭ, kali ciažka chvoryja asoby, trapiŭšyja pod upłyŭ hetaj siekty, pamirali ŭ suviazi z admovaj ad lačeńnia tradycyjnymi sposabami miedycyny. U prychilnikaŭ hetaha kultu adznačajucca psichičnyja rasstrojstvy, a taksama fakty suicydu z pryčyny asablivaściaŭ miedytacyi. Adnoj z formaŭ ŭklučeńnia ŭ stvoranuju strukturu budučych paśladoŭnikaŭ źjaŭlajecca arhanizacyja i praviadzieńnie sieminaraŭ pa lačeńni fizičnych chvarob.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniaja ŭciečka była ŭ 2026-m, a zasnavalniki — rasijanie6
Kamientary