Recept na vychadnyja. Kłubničnaja paŭłava — lohkaje i dalikatnaje pirožnaje
Słovam «paŭłava» nazyvajuć lohkaje bieze, padobnaje da baletnaj pački vialikaj baleryny Hanny Paŭłavaj. U siezon kłubnic prapanujem vam pryhatavać paŭłavu z hetaj jahadaj — vyjdzie vyraznaje, chrustkaje i lohkaje, nibyta vobłačka, pirožnaje.
Fota: BBC Food
Kab pryhatavać kłubničnuju paŭłavu, vam spatrebicca:
- 6 jaječnych białkoŭ,
- 400 hramaŭ cukrovaj pudry dla mierenhi i sousu + 75 hramaŭ prasiejanaj cukrovaj pudry dla načynki,
- 250 mililitraŭ 33%-ch viarškoŭ,
- 450 hramaŭ kłubnic dla načynki (treba ich pramyć, ačyścić ad pładanožak i razrezać na pałovy) + 250 hramaŭ kłubnic dla sousu,
- 100 mililitraŭ vady,
- nasieńnie ad adnaho vanilnaha stručka (možna zamianić na 15 hramaŭ vanilnaha cukru ci na 1—2 hramy vanilinu),
- 1 čajnaja łyžka limonnaha soku,
- kali chočacie, ale nie abaviazkova — kropla vadkaha charčovaha farbavalniku (vybirajcie ružovy koler),
- kali mahčyma — stałovaja łyžka apielsinavaha likioru.
- Razahrejcie duchoŭku da 180 hradusaŭ.
- Uźbicie białki da stadyi ćviordych pikaŭ.
- Pastupova, pa adnoj stałovaj łyžcy, dadavajcie da białkoŭ 300 hramaŭ cukrovaj pudry. Paralelna z hetym uvieś čas uźbivajcie sumieś miksieram, pakul jana nie stanie adnarodnaj i nie nabudzie formu ćviordych pikaŭ.
- Pastupova dadajcie ŭ sumieś limonny sok, farbavalnik i likior, aściarožna pieramiašajcie ŭsio łapatkaj.
- Padzialicie sumieś na dźvie adnolkavyja porcyi. Zaścialicie dźvie blachi papieraj dla vypiakańnia, raskładzicie na kožnuju ź ich sumieś dla bieze.
- Pastaŭcie blachi ŭ duchoŭku i źniźcie ŭ joj tempieraturu da 150 hradusaŭ.
- Vypiakajcie bieze kala hadziny. U vyniku jany pavinny być chrumstkimi zvonku i miakkimi ŭnutry.
- Kab atrymać načynku, uźbivajcie viarški z vanillu i cukrovaj pudraj da stadyi ćviordych pikaŭ.
- Łyžkaj vykładzicie adnolkavuju kolkaść načynki na pryhatavanyja bieze.
- Pakładzicie adnolkavuju kolkaść kłubnic na kožnaje ź bieze.
- Kab pryhatavać sous, nalicie ŭ kastrulku 100 mililitraŭ vady, dadajcie tudy ž 100 hramaŭ cukrovaj pudry. Daviadzicie vadkaść da kipieńnia i varycie jaje 12—15 chvilin, pakul jana nie stanie hustym siropam.
- Zdymicie sirop z ahniu, dadajcie kłubnicy i adstaŭcie ŭ bok na dziesiać chvilin. Pierakładzicie kłubnicy i sirop u błendar ci kuchonny kambajn i źmiašajcie da adnarodnaści, potym prapuścicie praź sita. Achaładzicie sous u chaładzilniku.
- Pierad padačaj aściarožna razrežcie pirožnaje na pałovy i palicie sousam.
Kamientary