Hety šykoŭny tort sumiaščaje ŭ siabie smaki kłubnic, viarškoŭ, piečyva i biełaha šakaładu. Kab pryhatavać jaho, navat nie spatrebicca duchoŭka.
Fota: BBC Food
Dla kłubničnaha čyzkiejka padrychtujcie:
- 2 čajnyja łyžki aleju,
- 200 hramaŭ piasočnaha piečyva,
- 100 hramaŭ masła,
- pałova čajnaj łyžki mołataj karycy,
- 100 hramaŭ pasiečanaha biełaha šakaładu,
- 400 hramaŭ kłubnic + dadatkovyja kłubnicy dla ŭpryhožvańnia čyzkiejka,
- 300 hramaŭ niatłustaha śmietankovaha syru,
- 1 čajnaja łyžka vanilnaha ekstraktu,
- drobna naciortaja cedra pałovy limona,
- 1 stałovaja łyžka vadkaha miodu abo klanovaha siropu,
- 200 mililitraŭ viarškoŭ nie mienš jak 30% tłustaści.
- Padrychtujcie raźjomnuju formu dyjamietram 20 santymietraŭ. Vyšmarujcie jaje znutry alejem i pakładzicie na dno formy dysk z papiery dla vypiakańnia.
- Pakładzicie piečyva ŭ hiermietyčny pakiet i vypuścicie ź jaho ŭsio pavietra. Zdrabnicie piačeńnie kačałkaj, kab jano pieratvaryłasia ŭ krošku.
- Rastapicie ŭ vialikaj kastruli masła. Źmiašajcie zdrobnienaje piačeńnie i karycu, pakładzicie sumieś na dno formy i pryciśnicie jaje. Pastaŭcie ŭ chaładzilnik na paŭhadziny.
- Razrežcie 150 hramaŭ kłubnic napałovu źvierchu ŭniz i raskładzicie ŭzdoŭž kraju formy razrezanym bokam vonki. Astatnija jahady narežcie na nievialikija kavałki.
- Rastapicie šakaład u mikrachvaloŭcy abo na vadzianoj łaźni.
- Źmiašajcie ŭ miscy śmietankovy syr, vanil, cedru i miod. Dadajcie kavałki kłubnic, usio pieramiašajcie.
- U inšaj miscy ŭźbivajcie viarški da miakkich pikaŭ.
- Umiašajcie rastopleny šakaład u sumieś sa śmietankovym syram i ŭsio pieramiašajcie, dadajcie viarški i znoŭ aściarožna pieramiašajcie. Pry nieabchodnaści dadajcie bolš miodu.
- Vykładzicie sumieś u formu, ale sačycie za tym, kab raskładzienyja ŭ joj kłubnicy zastavalisia na svaich miescach. Razraŭniajcie vierchniuju častku torta tronkam łyžki, naža abo špatalem, nakryjcie čyzkiejk charčovaj plonkaj i pastaŭcie jaho na noč u chaładzilnik, pakul tort nie zastynie.
- Akuratna dastańcie čyzkiejk z formy i vykładzicie na talerku. Narežcie dadatkovyja kłubnicy na pałovy abo čaćviarcinki i ŭpryhožcie imi tort.
Recept na vychadnyja. Šviedskija frykadelki ŭ viarškovym sousie — znakamitaja strava skandynaŭskaj kuchni
Recept na vychadnyja: šakaładnaje piačeńnie z apielsinam
Ciapier čytajuć
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj7
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary