Pakul nieviadoma, jakim čynam i navošta lis prabraŭsia na bort, kali sudna stajała ŭ anhlijskim porcie.
Rudy lis, jaki tajemna prakraŭsia na hruzavoje sudna la ŭźbiarežža Saŭthiemptana ŭ Brytanii, paśpiachova pieraadoleŭ tysiačy mil praz Atłantyčny akijan i ciapier znachodzicca pad nahladam supracoŭnikaŭ zaaparka Bronksa ŭ Ńju-Jorku, piša Bi-bi-si.
Amierykanskija inśpiektary vyjavili lisa ŭ hruzavym adsieku ŭ porcie Ńju-Jorka i Ńju-Džersi, paśla čaho 19 lutaha pieradali jaho ŭ zaapark Bronksa.
«Jak tolki vieterynarnaja kamanda vyznačyć, što lis zdarovy, zaapark sumiesna z ekśpiertami pa dzikaj pryrodzie znojdzie padychodny doŭhaterminovy dom dla žyvioły», — havorycca ŭ zajavie zaaparka.
Vieterynary ŭdakładniajuć, što žyvioła akazałasia dvuchhadovym samcom vahoj kala 5 kh.
Pakul nieviadoma, jakim čynam i navošta lis prabraŭsia na bort, kali sudna stajała ŭ anhlijskim porcie.
«U porcie Saŭthiemptana my pracujem z usim — ad aŭtamabilaŭ i kantejnieraŭ da kruiznych łajnieraŭ, ale navat nas ździviła, što lis pa sutnaści sam sabie zładziŭ transatłantyčnaje padarožža», — skazaŭ pradstaŭnik brytanskich partoŭ Associated British Ports (ABP) u Saŭthiemptanie.
«Vidavočna, jamu zachaciełasia źmianić Salent [praliŭ, jaki adździalaje anhlijski vostraŭ Uajt ad macieryka] na parom Staten-Ajlenda. Choć u nastupny raz my b paraili jamu vybrać Queen Mary 2, jakaja chodzić pa maršrucie Saŭthiemptan — Ńju-Jork z kudy bolšym kamfortam!», — dadaŭ jon.
«Zdajecca, jon užo całkam abžyŭsia, — skazaŭ ahienctvu AP Kit Łoviet, adzin z kiraŭnikoŭ zaaparka. — Jamu daviałosia mnohaje pieražyć».
Lisicy ŭvachodziać u lik samych raspaŭsiudžanych drapiežnych mlekakormiačych u śviecie. Viadomyja svajoj rudavataj poŭściu i puchnatym chvastom ź biełym končykam, jany nasialajuć u Jeŭropie, Azii, Paŭnočnaj Amierycy i niekatorych častkach Afryki.
Dziŭnaja zdolnaść lis chutka prystasoŭvacca da źmienlivych umoŭ pražyvańnia i niepieraborlivaść u ježy dazvalaje im paśpiachova žyć u samych roznych miescach — ad lasoŭ i łuhoŭ da haradskich rajonaŭ.
Lisa časta možna sustreć na vulicach Łondana i inšych brytanskich haradoŭ.
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?22
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary