Zdaroŭje

Aluminijevaja folha škodzić zdaroŭju. Voś u jakich vypadkach

My ŭpakoŭvajem u jaje buterbrody, zapiakajem u joj rybu ci miasa. Aluminijevaja folha palahčaje pobyt, ale jość niuansy.

Fota: pixabay.com

Aluminij — treci pa raspaŭsiudžanaści mietał u śviecie, u składzie ziamnoj kary jaho 8%. My sutykajemsia z aluminijevymi rečami ŭ siabie doma i va ŭłasnych mašynach, ale zvyčajna hety mietał nam nie škodzić.

Usio źmianiajecca, kali jon razam ź ježaj traplaje ŭ našu stravavalnuju sistemu, a heta zdarajecca duža časta, bo aluminij — cudoŭny emulhatar i charčovy adbielvalnik. Jon taksama ŭvachodzić u skład charčovych farbavalnikaŭ i rečyvaŭ, jakija robiać ježu bolš ćviordaj ci pieraškadžajuć jaje sklejvańniu.

Dadatki z aluminijem možna znajści ŭ muce, małaku, johurtach, płaŭlenych syrach, džemach, razrychlalniku, a taksama ŭ čai i suchich prypravach: majaranie, baziliku i čornym piercy. Aluminij jość u lekach i kaśmietyčnych srodkach, naprykład, u dezadarantach, aluminijevyja złučeńni vykarystoŭvajuć pry ačyščeńni vady ŭ vodapravodach.

Pa mierkavańniach ekśpiertaŭ, dapuščalna, kali za sutki ŭ arhanizm čałavieka traplaje nie bolš za 60—80 milihramaŭ aluminiju. Naša cieła dobra vyvodzić nievialikija abjomy hetaha mietału: kali ŭ čałavieka niama prablem z nyrkami, to 95% aluminiju vyjdzie ź jaho arhanizma z mačoj.

Ale kali my ŭžyvajem zanadta šmat aluminiju, ź jaho vyvadam mohuć uźniknuć ciažkaści. Heta byvaje, kali my praźmierna časta ŭžyvajem apracavanyja pradukty, vykarystoŭvajem aluminijevy posud ci folhu z hetaha mietału. U vypadku nyrkavaj niedastatkovaści aluminij moža nazapašvacca ŭ tkankach, i čym starejšy čałaviek, tym bolš aktyŭna heta adbyvajecca.

Kali ŭ arhaniźmie šmat hadoŭ zapar nakoplivajecca aluminij, heta pavyšaje ryzyku chvarob Parkinsana i Alchiejmiera, a taksama ryzyku asteaparozu i chvarob niervovaj sistemy. Horšaje praca padstraŭnikavaj załozy i kišačnika. Złučeńni aluminiju — čužarodnyja dla imunnaj sistemy, tamu jany mohuć vyklikać chraničnaje zapaleńnie ŭ arhaniźmie, jakoje, u svaju čarhu, pryviadzie da alerhii, astmy, aŭtaimunnych zachvorvańniaŭ i inšych chvarob.

Jak admovicca ad folhi

Zvykłaja nam aluminijevaja folha, jakoj by zručnaj jana ni była, u hetym płanie nie samaja biaśpiečnaja reč. Jašče ŭ 90-ch było dakazana, što hety mietał moža traplać u kisłyja pradukty z aluminijevaj tary, u jakoj my ich zachoŭvajem, i čym daŭžej pradukty tam lažać, tym vyšejšaja dola aluminiju ŭ ich.

Tamu, naprykład, nie varta zapiakać u folzie rybu ź limonam, bo limon uvojdzie ŭ reakcyju z folhaj, i ŭtvoracca škodnyja soli aluminiju. Anałahičny efiekt budzie, kali z folhaj buduć kantaktavać tamaty, špinat, brokali, cytrusavyja, kvašanaja kapusta ci marynavanyja ahurki. Dadamo ŭ hety śpis i stravy ź vialikaj kolkaściu prypraŭ.

Ježu, zahornutuju ŭ aluminijevuju folhu, nie varta zachoŭvać u chaładzilniku. U takoj folzie nie rekamiendujuć zapiakać pradukty ci nahravać ich. Zamiest hetaha vy lepš zahartać pradukty ŭ pierhamientnuju papieru, a potym u aluminijevuju folhu, ci vykarystoŭvać papiarovyja pakiety abo płastykavyja kantejniery, na jakich jość paznaka, što ŭ ich možna zachoŭvać pradukty. Hatavać ježu možna ŭ posudzie z termaŭstojlivaha škła, nieržaviejučaj stali ci čyhunu.

Zaviažycie ŭ sadzie žoŭtuju stužku. Heta dapamoža vam pazbavicca ad surjoznaj prablemy

Muraški ŭ chacie? Dapamoža ahurok

Kamientary

Ciapier čytajuć

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Usie naviny →
Usie naviny

Maradona padčas svajho vizitu ŭ Biełaruś nie zachacieŭ sustrakacca z Rumasam1

Łukašenka prakamientavaŭ źbićcio sabaki ŭ Hrodnie i raskazaŭ pra svajo trapiatkoje staŭleńnie da žyvioł10

Drony USU ŭdaryli pa dvuch rasijskich abjektach VPK

Uładalnica biełaruskaha brendu žanočaha adzieńnia Moshe ździviłasia šalonym cenam kankurentaŭ11

Izrail nanosić novy ŭdar pa Iranie3

«Prapanavaŭ hrošy». Biełaruska raspaviała, jak KDB sprabavaŭ jaje vierbavać1

Iranskija rakiety zabili 5 čałaviek u Izraili, bolš za 80 paranienyja. Celi byli vypadkovyja2

«U naš čas u Chrysta była b žoŭtaja birka». Były palitviazień Alaksandr Tarasienka raspavioŭ pra svoj dośvied za kratami2

«Uratavali zatory». Studentka spaźniłasia na fatalny rejs Air India usiaho na 10 chvilin, i jaje nie puścili na bort3

bolš čytanych navin
bolš łajkanych navin

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Hałoŭnaje
Usie naviny →

Zaŭvaha:

 

 

 

 

Zakryć Paviedamić