«Adnoj dziaŭčyncy 9, inšaj 11 hadoŭ, zašyvali», — psichołah raskazała pra zhvałtavanych u Bučy rasijskimi sałdatami dziaciej
Abiedźvie dziaŭčynki ciapier u biaśpiecy, razam z baćkami, i prachodziać terapiju.
Padčas akupacyi nasielenych punktaŭ Kijeŭskaj vobłaści akupanty hvałtavali žančyn i dziaciej. Ź dźviuma dziaŭčynkami 9 i 11 hadoŭ zaraz pracujuć psichołahi, paviedamlaje Tsn.ua.
Psichołah i psichijatr Lilija Šakałava raspaviadaje, što da jaje źviarnulisia baćki dźviuch zhvałtavanych akupantami na Kijeŭščynie dziaŭčynak. Zaraz jana akazvaje im psichałahičnuju dapamohu.
«Adnoj dziaŭčyncy 9, druhoj 11 hadoŭ. Taja, jakoj dzieviać, vielmi razarvanaja. Vielmi strašna. Jaje ŭžo zašyli. Druhaja — padazrajuć, što jana moža być ciažarnaja, bo ŭ jaje ŭžo byli miesiačnyja, a ciapier nie. Ale heta moža być tamu, što jana pieraniervavałasia. Za joj naziraje hiniekołah. Adnu dziaŭčynku zašyli jašče tam, na miescy, daktorka znajšłasia», — raspaviadaje psichołah.
Pavodle jaje słoŭ, adnu dziaŭčynku zhvałtavali ŭ Bučy, kali jaje mama ź inšymi darosłymi i dziećmi pajšli pa vadu. Dziaŭčynka i jašče adno dzicia zastalisia. Tady ŭ budynak uvarvalisia rasijskija akupanty i zhvałtavali jaje i źbili žančynu, jakaja znachodziłasia pobač.
«Viarnułasia mama [zhvałtavanaj], a taja žančyna, jakuju bili, pakazvaje: «Cicha, cicha, nie pałochaj dzicia», u jaje palcy la rota. Tamu što mama ŭbačyła svajo skryvaŭlenaje dzicia i chacieła kryčać. A małaja kaža: «Mama, balić, mama, vielmi baluča». Heta 9-hadovaje dzicia. A druhoje dzicia, 11-hadovaje, u jaho niama baćki. Jany žyli z babulaj. Hvałtavali ŭ jaje na vačach, jana kryčała, jaje ŭdaryli pa tvary, strašna było», — kaža psichijatr.
Ciapier jaje zadača jak śpiecyjalista adździalić seksualnaje žyćcio ad taho, što ź imi adbyłosia. Abiedźvie dziaŭčynki ciapier u biaśpiecy.
Nahadajem, 8 krasavika ŭpaŭnavažanaja Viarchoŭnaj Rady Ukrainy pa pravach čałavieka Ludmiła Dzianisava paviedamiła, što rasijskija vajskoŭcy vykrali bolš za 120 tysiač ukrainskich dziaciej. Niekatorych ź ich zhvałtavali: u Bučy — 11-hadovaha chłopčyka i 14-hadovuju dziaŭčynku, paśla čaho jana zaciažaryła.
Kamientary