Nasielnictva Biełarusi za hod skaraciłasia na rekordnyja 94 tysiačy čałaviek
Pra heta skazana ŭ śviežaj spravazdačy Biełstata. Takim čynam, pa aficyjnych dadzienych, jakija mohuć być zanižanyja, ad kavidu i ŭ vyniku emihracyi, vyklikanaj palityčnymi represijami 2020 — 2021 hadoŭ, Biełaruś straciła 154 tysiačy čałaviek. Heta demahrafičny ŭdar, supastaŭny z tymi, jakija kraina pieražyła ŭ 1930-ch.
U kamitecie zajavili, što na 1 studzienia 2022 hoda ŭ krainie žyvie 9 255 524 čałaviek, a heta na 94,1 tysiačy mienš, čym na hod raniej.
Pavodle źviestak Biełstata, siarod haradoŭ bolš za ŭsio skaraciłasia nasielnictva Minska. Ciapier u im žyvuć nie dva miljony, a 1 996 553 čałaviek. Mienš stała na 13 tysiač.
Paśla Minska bolš za ŭsio skaraciłasia sielskaje nasielnictva Bresckaj vobłaści — na 10,6 tysiač čałaviek.
Za 2020 hod skaračeńnie nasielnictva było mienšaje, tady jano skłała 60 614 čałaviek.
Ciažka skazać, ci hetaja statystyka praŭdzivaja. Paśla pačatku pandemii kavidu, jakuju Alaksandr Łukašenka spačatku admaŭlaŭ, Biełstat zasakreciŭ statystyku śmiarotnaści, a Ministerstva achovy zdaroŭja pačało davać jaŭna skažonuju statystyku chvorych i śmierciaŭ ad kavidu.
U 2019 hodzie nasielnictva skaraciłasia ŭsiaho na 19 tysiač čałaviek. «Lišniaje» skaračeńnie skłała kala 41 tysiačy čałaviek u 2020-m i kala 75 tysiač — u 2021-m.
Takim čynam, pa aficyjnych dadzienych, jakija mohuć być zanižanyja, ad kavidu i ŭ vyniku emihracyi, vyklikanaj palityčnymi represijami 2020 — 2021 hadoŭ, Biełaruś straciła 154 tysiačy čałaviek. Heta demahrafičny ŭdar, supastaŭny z tymi, jakija kraina pieražyła ŭ 1930-ch.
«Naša Niva» adnaŭlaje zbor danataŭ — padtrymać prosta
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary