Urad abmiežavaŭ vyvaz ź Biełarusi cybuli, biełakačannaj kapusty i jabłyk. A raniej Hałoŭčanka kazaŭ, što ŭsiaho chapaje
Urad uvioŭ abmiežavańni na vyvaz ź Biełarusi asobnych tavaraŭ. U ich lik patrapili cybula, biełakačannaja kapusta i jabłyki. Pryčym havorka idzie jak ajčynnyja, tak i impartnyja tavary. Ich vyvaz mahčymy tolki pa razavaj licenzii Ministerstva antymanapolnaha rehulavańnia i handlu. Pra heta paviedamlaje pres-słužba Saŭmina.
Abmiežavańni ŭvodziać na 3 miesiacy paśla aficyjnaha apublikavańnia pastanovy ŭrada. Ale mahčyma, što zabarona na vyvaz hetych pazicyj moža być pradoŭžana i da paŭhoda.
Pakul dakumient nie apublikavany, ale Ministerstva antymanapolnaha rehulavańnia i handlu prainfarmavała, što abmiežavańni zapracujuć z 7 lutaha, paviedamlaje Sputnik. «My biarem pad kantrol vyvaz pradukcyi praz rost cenaŭ u krainach-susiedkach, kab zabiaśpiečyć unutrany rynak i našych hramadzian», — zajaviŭ ministr Alaksiej Bahdanaŭ.
Pry hetym abmiežavańni nie raspaŭsiudžvajucca na tavary, jakija vyvoziać u krainy JEAES, a taksama inšyja dziaržavy dla akazańnia mižnarodnaj humanitarnaj dapamohi. Taksama navina nie tyčycca tavaraŭ, jakija iduć praź Biełaruś tranzitam.
Pry hetym litaralna niekalki dzion tamu, 1 lutaha, premjer-ministr Raman Hałoŭčanka ŭpeŭniena zajaŭlaŭ, što na ŭnutranym rynku Biełarusi dastatkova harodniny, a ceny na jaje rehulujucca.
«U nas nikoli nie było deficytu ŭ vytvorčaści harodniny. Pa niekatorych pazicyjach vyroščvajem u dziasiatki razoŭ bolš, čym treba ŭnutranamu rynku, naprykład bulby — u 13 razoŭ. U nas jość stabilizacyjnyja fondy. Kiraŭnik krainy letaś daručyŭ abłvykankamam, jakija źjaŭlajucca trymalnikami stabfondaŭ, zakłaści pradukcyju pad stoadsotkavuju patrebu ŭnutranaha rynku. Heta było zroblena. Astatniaje budzie vyvozicca na ekspart»,
— kazaŭ tady Hałoŭčanka.
Čytajcie taksama:
Hałoŭčanka: U Biełarusi niama deficytu harodniny. Čamu tady dziaržava rehuluje ceny?
Ceny na impartnuju harodninu i jabłyki taksama buduć rehulavacca
«Kali deficytu niama, to čamu rastuć ceny?» Prafsajuzy niepakojacca padaražańniem praduktaŭ, asabliva harodniny
Urad zabaraniŭ vyvaz pšaničnaj muki
Biełaruś praciahnuła zabaronu na vyvaz hrečki jašče na try miesiacy
Ciapier čytajuć
Łosik raskazaŭ, jak Babaryku katavali ŭ navapołackaj kałonii13
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch99
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch9
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary