Ceny na impartnuju harodninu i jabłyki taksama buduć rehulavacca
U Biełarusi budzie dziejničać śpiecyjalny paradak ustanaŭleńnia cen na impartnyja harodninu i sadavinu, a taksama biełaruskija syry (ale nie ŭsie). Takoje rašeńnie pryniataje Kamisijaj pa pytańniach dziaržaŭnaha rehulavańnia cenaŭtvareńnia pry Saŭminie.
Asablivy paradak ustanaŭleńnia cen raspaŭsiudžvajecca na śviežuju kapustu biełakačannuju, cybulu, buraki, morkvu, bulbu i jabłyki, jakija da 1 studzienia 2022 hoda nie ŭvozilisia ŭ Biełaruś, a taksama na biełaruskija syry — ćviordyja i paŭćviordyja.
Heta značyć, što buduć rehulavacca ceny na niekatoryja harodninu i jabłyki, jakija ŭvoziacca na zamienu zabaronienym z 1 studzienia.
«Adpusknyja ceny imparcioraŭ na harodninu i sadavinu, adpusknyja košty vytvorcaŭ na syry ćviordyja i paŭćviordyja, a taksama košty realizacyi na nazvanyja tavary subjektami haspadarańnia, jakija ažyćciaŭlajuć aptovy i (abo) razdrobny handal, farmujucca z ulikam abmiežavańniaŭ, ustanoŭlenych u adpaviednaści z pastanovaj Ministerstva antymanapolnaha rehulavańnia i handlu ad 21 śniežnia 2021 hoda №79», — paviedamlaje MARH.
Nazvanyja pazicyi buduć rehulavacca, jak i sacyjalna značnyja tavary. Hetaja miera nakiravanaja ŭ tym liku na toje, kab nie dapuścić nieabhruntavanaha rostu cenaŭ.
Zamiest italjanskich čery — tamaty z Armienii. Ci źnikli z kramaŭ pradukty, jakija trapili pad kontrsankcyi?
Stała viadoma, kamu i na jakija tavary daduć źnižku handlovyja centry
Čaj plus 18%, ahurki — 40%. Jak źmianilisia cieny na pradukty paśla admieny dziaržrehulavańnia
Ciapier čytajuć
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi6
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4545
Kamientary