Mierkavańni

Try nadziejnyja sposaby padtrymać viaźniaŭ — rajać žonki i mužy źniavolenych

Banderoli, telehramy, hrašovyja pieravody — dla tych, chto ŭ SIZA.

Palitźniavoleny redaktar «Našaj Nivy» Andrej Skurko.

Siabry, vy pytajecie, čym padtrymać našych, pišuć u sacsietkach svajaki palitźniavolenych.

Akramia listoŭ, jakija dachodziać słaba, jość try nadziejnyja sposaby padtrymać viaźniaŭ Vaładarki dy inšych SIZA. (Z turmami, dla ŭžo asudžanych, usio pracuje trochi inakš.)

1. Hrašovy pieravod. Heta vielmi prosta. 

Možna anłajn, možna na pošcie.

Kali rabić praź internet-bankinh, rekvizity, prykładam, Viciebskaha SIZA-2:

UNP: 300007642

BIC: BAPBBY2X

IBAN: BY38BAPB36429030006820000000

Dadatkova treba paznačyć imia i proźvišča źniavolenaha (-aj), vašy imia i proźvišča, sumu, jakuju žadajecie pieravieści.

A kali rabić heta na pošcie, to vam daduć zapoŭnić błank na hrašovy pieravod: kamu, ad kaho, suma. Kali hety pieravod pastupaje ŭ SIZA, to viaźniu dajuć raśpisacca ŭ kvitku. U hety čas jon bačyć proźvišča adpraŭnika — Vaša proźvišča — i serca jaho napaŭniajecca ciapłom. Suma pieravodu niavažnaja, važny znak uvahi. Hetyja hrošy možna patracić, naprykład, na padpisku abo na pakupku masła dla buterbrodaŭ u turemnaj kramie.

Rekvizity inšych turmaŭ i SIZA — pa hetaj spasyłcy.

2. Telehrama. Adpravić telehramu možna pa pošcie ci pa haradskim telefonie 166. Na pošcie Vam treba paprasić błank dla telehram i zapoŭnić: kamu, ad kaho i sam tekst telehramy. Paviercie, 40—60 słovaŭ dajuć dobry razhon!:)

Možna pisać pra što zaŭhodna. Naprykład, pra svaje naviny. Možna vinšavać ź miłymi śviatami (suśvietny dzień słana:). Možna pieradavać pryviety, luboŭ i zachapleńnie:)

Kali adpraŭlać z pošty, telehrama kaštuje kala 1,5 rub. A pa telefonie 166 daražej — kala 6—8 rub.

3. Banderol/drobny pakiet. Možna dasłać što vam zachočacca.

Para paštovak abo kanviertaŭ, areškaŭ abo trochi suchafruktaŭ (nie prymajuć tolki izium i čarnaśliŭ). Čaj, kavu, kakavu (ale ich treba pierasypać z fabryčnaj upakoŭki ŭ zvyčajny prazrysty pakiecik). Adnarazovyja brytvy. I hetak dalej.

Na «Vaładarcy» prymajuć raznastajnyja słodyčy. 

Možna dasyłać i niešta jašče ź ježy ci niejkija miłyja drobiazi, pradmiety hihijeny, kali vam zdajecca, što jany viaźnia padarujuć. Ale jość niuansy: niešta prymajuć, a niešta nie. Takija rečy adpraŭlajuć na skład i addajuć pry vyzvaleńni. Jość i inšyja niuansy: prykładam, u SIZA prymajuć jabłyki, mandaryny, limony, ale nie prymajuć churmy, hranataŭ. 

Voś tut pišuć što možna ŭ banderoli, a što nie

Banderol/drobny pakiet u SIZA možna dasłać ź luboj pošty.

Važna pamiatać try rečy:

1) usiu ježu, kali jana va ŭpakoŭcy, treba z upakoŭki pierakłaści ŭ zvyčajnyja prazrystyja pakieciki,

2) važna, kab ciubiki, butelečki i h.d. nie byli mietaličnymi,

3) u pakiet z banderolkaj treba ŭkłaści zajavu ź pieralikam taho, što vy pieradajacie, dataj i podpisam.

Voś prykład błanka zajavy

Abo voś uzor błanka ŭ vordzie, zručna jaho razdrukavać. 

Čałavieku pryniasuć vašu banderol i vašu zajavu, jon pavinien budzie raśpisacca na joj — i pabačyć vaša proźvišča dy vypiša sabie vaš adras, kab adździačyć.

«Na kaniec, — pišuć svajaki palitviaźniaŭ, — nie pierastajom zachaplacca i dziakavać usim vam, chto padtrymlivaje palitviaźniaŭ. Kolki ciapła ad vas! Dziakujučy vam usio pieražyvajecca ŭ razy lahčej. My nieparamožnyja».

Adras dla hrašovych pieravodaŭ, telehram, drobnych pakietaŭ našaniŭcam: 220030, Vaładarskaha, 2, SIZA-1

Skurko Andreju Hienadzieviču

Marcinoviču Jahoru Alaksandraviču

Čytajcie taksama: Žonka Statkieviča: Kali čałavieka asudzili, nijakich bolš jamu pasyłak — tolki hrašovyja pieravody i listy

Kamientary

Ciapier čytajuć

«Nabirała vadu z unitaznaha bačka dla hatavańnia, myćcia». Hanna Bond ščyra raspaviała pra ciažkaje dziacinstva11

«Nabirała vadu z unitaznaha bačka dla hatavańnia, myćcia». Hanna Bond ščyra raspaviała pra ciažkaje dziacinstva

Usie naviny →
Usie naviny

Čarha aŭto na miažy z Polščaj jašče vyrasła13

Džakuzi ź iržavaj vadoj za 800 rubloŭ: biełaruska raskazała pra sapsavanyja vychadnyja ŭ sanatoryi21

U stalicy na miescy byłych pramysłovych pradpryjemstvaŭ pabudujuć žyllo2

MZS Rasii prakamientavaŭ mahčymaść raźmiaščeńnia vojskoŭcaŭ krain NATA va Ukrainie6

«U fondzie ciapier € 1,2 młn». U APK adkazali na krytyku nakont braku hrošaj dla palitviaźniaŭ5

U pravasłaŭnym chramie Nižniaha Noŭharada zdymali hiej-porna. U im mahli ŭdzielničać sieminarysty11

Cichanoŭski patłumačyŭ, čamu ŭ 2020‑m nie adbyłosia raskołu elit u Biełarusi26

Makron: My pavinny dapamahčy Ukrainie z dapamohaj naziemnych vojskaŭ2

Ukraina prapanavała ZŠA ździełku pa pastaŭkach zbroi na $100 miljardaŭ i admoviłasia ad terytaryjalnych sastupak Rasii5

bolš čytanych navin
bolš łajkanych navin

«Nabirała vadu z unitaznaha bačka dla hatavańnia, myćcia». Hanna Bond ščyra raspaviała pra ciažkaje dziacinstva11

«Nabirała vadu z unitaznaha bačka dla hatavańnia, myćcia». Hanna Bond ščyra raspaviała pra ciažkaje dziacinstva

Hałoŭnaje
Usie naviny →

Zaŭvaha:

 

 

 

 

Zakryć Paviedamić