«Maci vyjšła z padjezda sa zdymkam Dzimy ŭ rukach i skazała, što joj užo ničoha nie strašna». Blizkija raźvitalisia sa Źmitrom Uschopavym
4 studzienia ŭ Rečycy pachavali 28-hadovaha Źmitra Uschopava. Jon pamior u navahodniuju noč paśla taho, jak trapiŭ u milicyju. MUS i SK paviedamili, što jon byŭ mocna pjany, mieŭ z saboj marychuanu. Pra raźvitańnie z maładym čałaviekam raspaviała ŚMI śviedka padziej, imia jakoj nie nazyvajecca ź mierkavańniaŭ biaśpieki.
Na pachavańnie sabrałasia kala sotni čałaviek. Raźvitańnie prachodziła ŭ mikrarajonie «Rytm», dzie žyŭ Źmicier.
«Maci vyjšła z padjezdu sa zdymkam Dzimy ŭ rukach i źviarnułasia da prysutnych sa słovami, što jaje syna zabili i što joj užo ničoha nie strašna, bo zabrali samaje darahoje — to čaho bajacca? Maci skazała, što ŭ jaje ŭsio akamianieła ŭnutry», — raskazała žycharka Rečycy.
Alena, maci Dźmitryja, raskazała prysutnym, što syn jechaŭ da jaje sustrakać Novy hod. «Maci skazała kala truny, što jana nie apazicyja i što Dzima taksama ni ŭ čym nie ŭdzielničaŭ. I spytała, kolki jašče buduć zabivać našych dziaciej», — pieradaje słovy maci žycharka Rečycy.
Trunu pastavili kala padjezda, kab usie, chto choča, mahli raźvitacca.
Śviedka kaža, što śmierć Źmitra vyklikała vialiki rezanans u Rečycy. Niekatoryja zusim nie vierać milicyi. Tyja ž, chto vieryć u viersiju pra ałkahol i narkotyki, kažuć, što varta było vyklikać chutkuju dapamohu ci sadzić u vyćviareźnik — ale raźbiracca pa zakonie.
«Tak ci inakš, ale ŭsie salidarnyja ŭ tym, što miery byli niapravilnyja i nieadekvatnyja, i jany kaštavali žyćcia čałavieku», — dadała žycharka Rečycy.
Čytajcie taksama: MUS Biełarusi paćvierdziła zatrymańnie siabroŭ Źmitra Uschopava za narkotyki
Stali viadomyja detali zatrymańnia siabroŭ Uschopava, jaki pamior u navahodniuju noč paśla taho, jak trapiŭ u RAUS
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary