Francyja zrabiła kantraceptyvy biaspłatnymi dla žančyn da 25 hadoŭ
Pačynajučy z hetaha hoda košt kantracepcyi ŭ Francyi dla žančyn 18-25 hadoŭ pakryvajecca miedycynskim strachavańniem. Raniej supraćzačatkavyja biaspłatna mahli atrymlivać tolki niepaŭnaletnija.
Z suboty, 1 studzienia, ułady Francyi zrabili biaspłatnym dostup da kantraceptyvaŭ dla žančyn va ŭzroście ad 18 da 25 hadoŭ, pašyryŭšy ŭžo prahramu dla niepaŭnaletnich, jakaja nakiravana na praduchileńnie niepažadanaj ciažarnaści, piša Deutsche Welle.
Ab pašyreńni dostupu da supraćzačatkavych tabletak, unutrymatačnych śpiralaŭ, kantraceptyŭnych płastyraŭ i injekcyj było abvieščana ŭ vieraśni 2021 hoda pa vynikach daśledavańniaŭ, jakija pakazali na toje, što maładyja žančyny časta admaŭlajucca ad vykarystańnia supraćzačatkavych srodkaŭ pa finansavych pryčynach. Pavodle acenak francuzskich uładaŭ, prahramaj zmohuć skarystacca da troch miljonaŭ žančyn.
Pačynajučy z 2022 hoda «sistema miedycynskaha strachavańnia budzie pakryvać košt kantracepcyi i źviazanych ź joj pracedur (štohadovaja kansultacyja ź lekaram ci akušerkaj i bijałahičnyja testy) biez papiaredniaj apłaty», havorycca ŭ zajavie Ministerstva achovy zdaroŭja.
Maładyja žančyny «vielmi ŭraźlivyja»
Da siońniašniaha dnia biaspłatnaja kantracepcyja ŭ Francyi była dastupnaja tolki dla dziaŭčat da 18 hadoŭ, jak heta maje miesca i ŭ šerahu inšych jeŭrapiejskich krain, takich jak Hiermanija, Bielhija, Niderłandy i Narviehija. U Vialikabrytanii žančyny ŭsich uzrostaŭ majuć biaspłatny dostup da kantraceptyvaŭ.
«Va ŭzroście ad 18 da 25 hadoŭ žančyny vielmi ŭraźlivyja, pakolki jany pazbaŭlajucca mnohich pravoŭ niepaŭnaletnich i vielmi niaŭstojlivyja ŭ ekanamičnym płanie», - skazała pres-sakratar francuzskaj hrupy pa abaronie pravoŭ žančyn En Avant Tous Łuiza Dełaŭje.
-
Kab vypravić prykus, biełaruska rašyłasia na raśpiłoŭvańnie skivicy — i nie paškadavała. Ale vynieści takuju apieracyju zmoža nie kožny
-
Kala 15% biełaruskich par ciarpiać ad biaspłodździa
-
Ekśpierty papiaredžvajuć pra ŭsplosk amal nievylečnaj infiekcyi ź ciažkaj dyjarejaj, jakaja pieradajecca pałavym šlacham
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary