Ułady znoŭ uzialisia za nacyjanalnuju ideju. Abiacajuć sfarmulavać da 2023 hoda
Urad pryniaŭ prahramu patryjatyčnaha vychavańnia biełarusaŭ. Sustrečy z čynoŭnikami i siłavikami pavinny dapamahčy lubić svaju krainu. A jašče ŭłady znoŭ uzialisia za nacyjanalnuju ideju. Tysiačy ideołahaŭ tak i nie zmahli sfarmulavać jaje, ale da 2023 hoda, pavodle dziaržprahramy, ideja pavinna źjavicca. A hałoŭnaj padziejaj dla biełarusaŭ, ličać va ŭradzie, źjaŭlajecca pieramoha savieckaha naroda ŭ Druhoj suśvietnaj vajnie.
U prahramie sfarmulavana, što źjaŭlajecca patryjatyčnymi kaštoŭnaściami:
- Radzima i małaja radzima,
- pierajemnaść pakaleńniaŭ i nacyja,
- dziaržaŭnaść, suvierenitet,
- dziaržaŭnaja simvolika,
- histaryčnaja pamiać, nacyjanalna-kulturnaja identyčnaść,
- sacyjalnaja i relihijnaja talerantnaść,
- nacyjanalnaja i palityčnaja kultura.
U miežach prahramy nastupnyja čatyry hady buduć pravodzić dyskusii, sustrečy z pradstaŭnikami ŭłady i vieteranami (nie tolki Druhoj suśvietnaj vajny, ale i ź vieteranami Uzbrojenych sił), tematyčnyja ekskursii na pracy čynoŭnikaŭ, u vajskovych častkach, vajskova-patryjatyčnyja kłasy, kłuby i pachody, ekskrusii i spartovyja spabornictvy, vystavy (u tym liku na vajskovuju temu).
Akademija navuk napiaredadni praviała sacyjałahičnaje apytańnie, jakoje pakazała, što stałaje pakaleńnie bolš za astatnich asacyjuje Biełaruś ź ziamloj, jakuju abaraniali dziady i pradziedy (46%). Troški bolš za pałovu apytanych adkazali, što «być patryjotam — značyć lubić Biełaruś» (51 %), «žyć i pracavać u svajoj krainie dziela jaje dabrabytu» — 32 %, lubić biełaruskuju movu i kulturu — 27 %, pavažać dziaržaŭnyja simvały — 23 %.
58% biełarusaŭ ličać siabie patryjotami, 25% nie zmahli adkazać, 17 % nie ličać siabie patryjotami Biełarusi. Ludzi stałaha vieku ličać siabie patryjotami bolš, čym maładyja ludzi va ŭzroście da 25 hadoŭ. Toje ž ź dziaržaŭnaj simvolikaj: jana ŭjaŭlaje kaštoŭnaść dla 58% piensijanieraŭ, siarod moładzi — dla 35%.
Z apisańnia dziaržprahramy, prypraŭlenaj pafasam, vynikaje, što centralnaj temaj patryjatyčnaha vychavańnia budzie pieramoha savieckaha naroda ŭ Druhoj suśvietnaj vajnie. Ułady spasyłajucca na sacapytańnie: 44% zajavili, što ŭkład biełaruskaha naroda ŭ Pieramohu — hałoŭny pradmiet nacyjanalnaha honaru.
U miežach prahramy zapłanavanaja vypracoŭka nacyjanalnaj idei, jakuju tysiačy dziaržaŭnych ideołahaŭ usio nijak nie mohuć sfarmulavać. Ciapier abiacajuć pradstavić ideju da 2023 hoda, zajmacca hetym buduć u Akademii navuk, Biełaruskim instytucie stratehičnych daśledavańniaŭ i Akademii kiravańnia pry prezidencie. Taksama ŭ miežach prahramy zapłanavanaja pierapadrychtoŭka śpiecyjalistaŭ, jakija buduć vučyć biełarusaŭ, jak pravilna być patryjotami.
Čytajcie taksama: «Bližej da Mjanmy, ale nie pierajšoŭ u stadyju masavych zabojstvaŭ». Jaki ŭ Biełarusi siońnia palityčny režym?
-
«Zaraz u mianie tolki adna meta — vyvieźci adsiul dziaciej jak maha chutčej». Biełarusy raskazali, jak mianiajecca ich žyćcio
-
Źmicier Daškievič skazaŭ, što treba rabić biełarusam zaraz, kab kraina stała svabodnaj i niezaležnaj
-
Pasadzili ajcišnika ź litoŭskaj kampanii. Padobna, za kamientary i spravu Hajuna
Ciapier čytajuć
Źmicier Daškievič skazaŭ, što treba rabić biełarusam zaraz, kab kraina stała svabodnaj i niezaležnaj45
Kamientary