Stołtenbierh: Rašeńnie ab Ukrainie i NATO prymuć tolki Ukraina i NATO
Hienieralny sakratar NATO Jens Stołtenbierh u čaćvier faktyčna adchiliŭ patrabavańni prezidenta Rasii Uładzimira Pucina dać Maskvie «harantyi biaśpieki», a mienavita admovicca ad pašyreńnia Paŭnočnaatłantyčnaha sajuza i vajskova-techničnaj dapamohi Ukrainie.
Na pres-kanfierencyi paśla pieramoŭ z prezidentam Ukrainy Uładzimiram Zialenskim u Brusieli Jens Stołtenbierh skazaŭ, što pytańnie ab mahčymym pryjomie Ukrainy ŭ NATO budzie vyrašać tolki sama Ukraina i 30 krain-udzielnic NATO, paviedamlaje «Svaboda».
Hienieralny sakratar sajuza skazaŭ, što NATO nie pojdzie na kampramis u pytańni ab tym, što Ukraina maje prava samastojna vybirać svoj šlach.
Jon taksama dadaŭ, što supracoŭnictva NATO z Ukrainaj maje abarončy charaktar i suprać Rasii nie nakiravana. Naadvarot, samu Rasiju jon abvinavaciŭ u ahresiŭnych pavodzinach, jakija doŭžacca ŭžo šmat hadoŭ.
Stołtenbierh taksama adznačyŭ, što ŭ NATO pakul nie bačać nijakich prykmiet skaračeńnia rasijskaj vajskovaj hrupoŭki la miežaŭ z Ukrainaj.
Jon nazvaŭ dziejańni Rasii pravakacyjnymi i zajaviŭ, što jany destabilizujuć i padryvajuć biaśpieku ŭ Jeŭropie, a taksama znoŭ zaklikaŭ Maskvu da dyjałohu, u pryvatnaści, u ramkach Rady Rasija — NATO.
Prezident Ukrainy Uładzimir Zialenski skazaŭ, što ŭ vypadku bujnamaštabnych bajavych dziejańniaŭ pamiž Rasijaj i Ukrainaj kolkaść achviar moža naličvać sotni tysiač i miljony.
Jon pryznaŭ, što NATO nie abaviazanaje akazvać Ukrainie ŭzbrojenuju padtrymku, ale pry hetym dadaŭ, što ŭ vypadku takoj vajny sama Ukraina stanie «farpostam» NATO, navat nie budučy jaho ŭdzielnicaj.
Prezident Rasii Uładzimir Pucin zajaviŭ ab nieabchodnaści «nieadkładnaha» pačatku mižnarodnych pieramoŭ dla vypracavańnia «jurydyčna zafiksavanych harantyj» biaśpieki Rasii.
Harantyi, na dumku Pucina, pavinny «vyklučać luboje dalejšaje prasoŭvańnie NATO na Uschod i raźmiaščeńnie ŭ sumiežnych dziaržavach, najpierš va Ukrainie, uzbrajeńniaŭ, jakija b pahražali Rasii».
ZŠA i ich sajuźniki zaklikali Maskvu da deeskałacyi napružanaści, zajaviŭšy, što ŭ vypadku šyrokamaštabnaha ŭvarvańnia va Ukrainu Rasiju čakajuć surjoznyja nastupstvy.
Pry hetym ZŠA vykazali hatoŭnaść da dyjałohu. Sajuźniki pa NATO adkryta nie adprečyli mahčymaść abmiarkoŭvać harantyi, jakich patrabuje Pucin, adnak i hienieralny sakratar NATO, i inšyja vysokapastaŭlenyja pradstaŭniki Zachadu nieadnarazova paŭtaryli apošnim časam, što ŭ Rasii niama prava vieta ŭ pytańni pašyreńnia Paŭnočnaatłantyčnaha sajuza.
Kiraŭnik NATA ab mahčymym uvarvańni Rasii va Ukrainu: Nie možam ličyć, što heta blef
Łatvija paprasiła pastajannaj vajskovaj prysutnaści ZŠA na svajoj terytoryi. Pientahon pakul nie kamientuje hetuju zajavu
-
«Užo hod žyli b biez vajny». Łaŭroŭ abvinavaciŭ ZŠA i Jeŭropu ŭ tym, što vajna va Ukrainie zaciahnułasia
-
Kreml prapanavaŭ Trampu dapamahčy spynić udary pa rasijskich tankierach i źniać z Rasii sankcyi, kab vyrašyć prablemy ZŠA z dyzielem
-
Danija zajaviła pra abstreł svajho viertalota z rasijskaha frehata
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary