Śviet

Jak mihracyjny kryzis u Biełarusi błytaje karty francuzskim palitykam

Mihracyjny kryzis na biełaruska-polskaj miažy sutyknuŭ iłbami palityčnyja siły Francyi. Jakija chiby palityčnych sił Francyi jon prajaviŭ, raźbirajecca Le Mond.

Fota z Depositphotos.com

U paniadziełak ministr zamiežnych spraŭ Francyi na sustrečy z kalehami ź ES vykazaŭ salidarnaść z Polščaj, Litvoj i Łatvijaj, i padtrymaŭ piaty pakiet sankcyj suprać režymu Łukašenki.

Ambasadar Francyi ŭ Minsku nie ŭručyŭ davierčyja hramaty Łukašenku i vymušany byŭ pakinuć Biełaruś miesiac tamu.

Byccam by staŭleńnie hetaj krainy da biełaruskaha pytańnia adnaznačnaje, ale jość adna detal — Francyja nie zajaviła pra klučavuju rolu Rasii ŭ raźviazvańni mihracyjnaha kryzisu.

Krajnie pravym palitykam Francyi minskaja tema zusim vybiła hlebu z-pad noh. Jany pryzvyčailisia stavicca da Rasii pabłažliva, ale ciapier im niama jak apraŭdać hałoŭnaha abaroncu Łukašenki Pucina.

Maryn Lo Pen, lider ultra-pravaj partyi «Nacyjanalnaje abjadnańnie», spadziajecca, što Pucin usio ž umiašajecca i paŭpłyvaje na Łukašenku — heta było b na karyść i jamu, i Francyi, kaža jana.

Ale Pucin nie ŭmiešvajecca i nie ŭpłyvaje na ŭschodnie-jeŭrapiejskaha despata-susieda.

Usio, što ultra-pravyja palityki ciapier mohuć, dyk heta dakarać ES za sankcyi suprać Maskvy: maŭlaŭ, Jeŭropa sama vinavataja, tak pahoršyła adnosiny z Pucinym, ciapier niama jak zaanhažavać Maskvu ŭ vyrašeńnie prablemy ŭ rehijonie.

Niadaŭna imidž ultra-pravych byŭ i zusim sapsavaŭsia: adzin z pradstaŭnikoŭ partyi «Nacyjanalnaje abjadnańnie» Žuljen Adula, adkazvajučy na pytańnie žurnalista, ci varta pakinuć 2000 mihrantaŭ pamirać ad choładu, paŭtaryŭ dvojčy:

— Viadoma, tak.

Kali žurnalist zadaŭ toje samaje pytańnie treci raz, palityk papraviŭ siabie:

— Nie, nie varta pakidać ich pamirać ad choładu, ich varta pakidać za miežami Jeŭropy.

Da jaho słoŭ navat musiła viarnucca Maryn Lo Pen na nastupny dzień, kab patłumačyć, što Žuljen nie dobra pačuŭ pytańnie.

«Heta sprava Hałoŭnaha Kamisara AAN pa spravach biežancaŭ — zrabić tak, kab tyja ludzi nie pakutavali ni ad choładu, ni ad hoładu», — patłumačyła spradarynia Lo Pen.

Jašče adzin pradstaŭnik ultra-pravaj partyi «Nacyjanalnaje abjadnańnie» Andrea Katarak pajšoŭ dalej i pryraŭniaŭ apieracyju Łukašenki pa prašturchoŭvańni mihrantaŭ na Zachad ź dziejańniami arhanizacyi SOS, jakaja dapamahaje ratavać biežancaŭ, kali tyja tonuć u Mižziemnym mory — maŭlaŭ, i tam i tam pahroza stabilnaści ŭ Jeŭropie.

Takim čynam, u hetaj šmatuzroŭnievaj trahiedyi ultra-pravyja palityki fakusujucca na tym, što mihranty ŭ Jeŭropie — heta ŭ pryncypie zło, i adcieńni kožnaha asobnaha kejsu niavažnyja. A na ślady Rasii ŭ hetym kryzisie jany hatovyja zapluščyć vočy — i nie tamu, što jana im ideałahijačna blizkaja, a tamu, što jany ehaistyčna spadziajucca na tak zvany «pryvilehijavany aljans» z Maskvoj.

Levyja ž palityki, jakija pa definicyi na baku mihrantaŭ, u hetaj situacyi vinavaciać Łukašenku i ES, i nikoha bolš. Bo pahladzieć šyrej i pabačyć korań prablemy — intaresy Rasii — jany nie hatovyja: levym palitykam časta ciažka pieraadoleć svaju ślapuju luboŭ da Rasii. Jakaja zaŭždy była im darahaja prosta tamu, što supraćstajała biessardečnamu Zachadu. Tak i ciapier, Jeŭropa ŭ vačach levych vinavataja tamu, što kryŭdziła Rasiju sankcyjami, praz što ciapier Maskva nie dapamahaje ŭ razrulvańni biady na miažy. Lider levaj partyi «Niaskoranaja Francyja» Žan-Luk Miełanšon kaža, što i ciapier «nie vieryć u ahresiŭnaje staŭleńnie z boku Rasii».

Na palityčnaj raskładcy Francyi jość šmat inšych sił i paŭsił. Ale, vidać, adnoj z mahutniejšych sił Francyi apošnich hadoŭ možna nazvać ekałahistaŭ — partyja Zialonych stała treciaj pa kolkaści pradstaŭnikoŭ u Jeŭraparłamient ad Francyi ŭ 2019 hodzie (pakolki francuzy vostra adčuli klimatyčnyja źmieny na sabie).

Zialonyja ž vydatna bačać ruku Maskvy ŭ mihracyjnym kryzisie. Janik Žado, kandydat ad partyi «Zialonyja — Jeŭrapiejski svabodny aljans», padkreślivaje, što situacyja na polska-biełaruskaj miažy absalutna dramatyčnaja. Pavodle lidara Zialonych, Jeŭropa nie musić zvažać na šantaž Łukašenki, ale ŭ toj ža čas abaviazak Jeŭropy — vyratavać mihrantaŭ.

Zialonyja mocna krytykujuć francuzskich ultra-pravych za toje, što tyja tak lohka pavieryli Pucinu i hrajuć žyćciami ludziej.

«My ŭžo šmat hod viedajem, što Pucin choča razvału Jeŭropy, jon nie choča mahutnaha ES, jaki moh by abaraniać demakratyju la miežaŭ Rasii», — dadaje Žado.

 

 

Kamientary

Ciapier čytajuć

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie1

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie

Usie naviny →
Usie naviny

Praź niekalki tydniaŭ paśla sutak u IČU pamierła 66-hadovaja žančyna z ankałohijaj. Jaje zatrymali pa viartańni ŭ Biełaruś8

U Maładziečnie 13-hadovaja dziaŭčynka zakachałasia ŭ 16-hadovaha staršakłaśnika. Usio skončyłasia sumna14

Samalot ź Minska ŭ Dubaj ekstranna sieŭ u Baku

Izrailskija ŚMI: jadzierny reaktar u iranskim Natanzie źniščany daščentu12

Kamu ź biełaruskich dziaciej nielha vučycca za miažoj? Minadukacyi prakamientavała našumieły zakon3

Prapahandyst Ihar Tur vyrašyŭ pierasialicca bližej da Astrašyckaha Haradka20

Cichanoŭskaja pra kiejs Mielnikavaj: Situacyja strašnaja32

U Polščy zatrymali afhanca, jaki dumaŭ, što jon u Paryžy. Tak jamu skazaŭ pravadnik, što supravadžaŭ ad miažy Biełarusi3

Jakija časy, takija i prezienty: u biełaruskich aptekach možna nabyć padarunkavyja siertyfikaty1

bolš čytanych navin
bolš łajkanych navin

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie1

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie

Hałoŭnaje
Usie naviny →

Zaŭvaha:

 

 

 

 

Zakryć Paviedamić