Na Alimpijadzie ŭ Tokia Biełaruś zavajavała siem miedaloŭ. Heta najhoršy vynik u historyi
Siońnia apošni dzień Alimpijady.
U mnahaborji ŭ mastackaj himnastycy biełaruski zaniali piataje miesca z vynikam 84,050. Pieramahła Bałharyja z vynikam 92,100.
U omniumie (viełasport) Taćciana Šarakova zaniała 16-je miesca.
Takim čynam, u biełarusaŭ na Alimpijadzie siem miedaloŭ:
zołata Ivana Litvinoviča (batut),
srebra: Iryny Kuračkinaj, Mahamiedchabiba Kadzimahamiedava (volnaja baraćba) i žanočaj bajdarki-čaćviorki (Maryna Litvinčuk, Volha Chudenka, Marharyta Machnieva, Volha Papok),
bronza: Vanesy Kaładzinskaj (volnaja baraćba), Maksima Niedasiekava (skački ŭ vyšyniu), Aliny Harnaśko (mastackaja himnastyka).
Adznačym, što ź siami uznaharod try miedali zavajavanyja ŭ volnaj baraćbie.
U ahulnym zaliku Biełaruś na 45-m miescy. Ukraina — 44-ja, u ich adzin załaty, šeść siarebranych i 12 bronzavych.
U Polščy — 17-je miesca: 4+5+5, u Litvy adzin miedal (srebra), u Łatvii adzin załaty i adzin bronzavy.
Najbolšuju kolkaść uznaharod zavajavali ZŠA — 39 załatych. 40 siarebranych i 33 bronzavyja (usiaho 112)
Na Alimpijadzie ŭ Rya-2016 u Biełarusi było dzieviać miedaloŭ (1+4+4), u Łondanie-2012 — 10 (2+5+3), u Piekinie-2008 — 14 (3+4+7). Najbolš ŭznaharod było ŭ Sidnei-2000 — 17 (3+3+11). U Afinach u 2004-m i Atłancie ŭ 1996-m było pa 15 miedaloŭ.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary