Premjer Hałoŭčanka zahadaŭ, kab BT vykupiła va ŭłaśnicy kvateru ŭ domie dla žurnalistaŭ dziaržSMI
2 lipienia była apublikavanaja niezvyčajnaja pastanova Savieta Ministraŭ: Biełteleradyjokampaniju abaviazali nabyć dvuchpakajovuju kvateru ŭ minskim rajonie Čyžoŭka.
Dakumient padpisany až premjer-ministram Ramanam Hałoŭčankam. Zhodna z pastanovaj, Biełteleradyjokampanija musić da 1 žniŭnia nabyć dvuchpakajoŭku pa vulicy Karziuki za 43 tysiačy dalaraŭ.
I voś tut pačynajucca cikavyja niuansy.
Pa-pieršaje, heta dom, pabudavany dla supracoŭnikaŭ dziaržaŭnych ŚMI. Tut žyvuć rabotniki BT, ANT, BiełTA i inšych miedyja. Jany atrymali svaje kvatery niekalki miesiacaŭ tamu.
Sama ž dvuchpakajoŭka pakul naležyć Alenie Mikałajeŭnie Lipskaj.
Chto takaja Alena Lipskaja? Dakładna heta nieviadoma. Ale ž mienavita tak zavuć žonku spartyŭnaha žurnalista BT Stanisłava Lipskaha.
Druhi važny momant — cana. Karziuki — heta Čyžoŭka, nie samy prestyžny rajon stalicy. Ale i dla Čyžoŭki $43 tysiačy za dva pakoi vyhladaje nievialikaj canoj. U tym ža domie pradajucca kvatery, ale ž pa zusim inšych koštach. Naprykład, hołaja dvuchpakajoŭka biez ramontu prapanujecca za $69 tysiač, u paŭtara razu bolš za kvateru dla BT.
«Naša Niva» pasprabavała źviazacca sa Stanisłavam Lipskim praź jaho siabroŭ i znajomych, tyja pieradali, što jon nie zachacieŭ havaryć.
Ciapier čytajuć
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram18
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary