Dačka zasnavalnika Tut.by Juryja Zisiera napisała, što pa-raniejšamu nie maje infarmacyi pra toje, dzie znachodzicca jaje maci Julija Čarniaŭskaja.
«Jość zdahadka, što jana ŭ SIZA KDB, ale advakatcy admovili dać infarmacyju, ci tam jaje padabaronnaja. Skazali, što jany sami mohuć «pieradać infarmacyju». Usie, chto bačyŭ mamu ŭ apošnija sutki, na suviaź nie vychodziać. Vidavočna, niešta padpisali i nie majuć prava davać nijakich detalaŭ i vielmi zapałochanyja, tamu što, akramia «mama ŭ paradku», nijakaj infarmacyi mnie ci babuli nie pastupała.
Dzie jana praviała noč, u jakim stanie zdaroŭja jana — nieviadoma. Mama invalid i apošnija 10 hadoŭ pakutuje ad mocnych bolaŭ u chrybietniku i nahach. Bolšuju častku dnia jana pravodzić ležačy ŭ łožku, pracuje taksama ležačy za noŭtbukam, bo siadzieć i chadzić joj vielmi baluča. Taksama ŭ jaje surjoznyja prablemy z sercam, i, pa śviedčańniach vidavočcaŭ, učora jana pieraniesła hipiertaničny kryz, paśla čaho była dastaŭlena ŭ balnicu pad kanvojem. I pad kanvojem ž jaje i vypisali.
I hałoŭnaje: u mamy niama nijakaj infarmacyi ab dziejnaści Tut.by. Jana daviedvałasia zaŭsiody naviny paśla publikacyi, hetak ža, jak i moj tata. Jana nie źjaŭlajecca akcyjanieram Tut.by, nie viedaje nijakich unutranych pracesaŭ i ŭžo dakładna ničoha nie viedaje ab farmalnaj pretenzii, jakuju vykarystała prakuratura, kab zładzić maski-šou ŭ «TUT BAJ miedyja» — «Vykarystańnie PVT dla ŭchileńnia ad padatkaŭ».
Mnie vidavočna, što mamu vykarystoŭvajuć siłavyja orhany, kab cisnuć na Tut.by. Akramia taho, apošnija miesiacy byŭ cisk na akcyjanieraŭ partała i našu siamju z metaj atrymańnia kantrolu nad dziejnaściu Tut.by — dziŭnyja paviedamleńni z roznych kanałaŭ suviazi mnie i maim kaleham. Siońnia mamu ŭtrymlivajuć jak zakładnika, zapałochvajuć jaje i akazvajuć cisk. Ładziać infarmacyjnuju błakadu, kab dezaryjentavać, prymusić adčuvać siabie razhublenaj i nie puskajuć da jaje advakata».
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary