U Biełarusi vyjavili niekalki hrup niepaŭnaletnich, jakija zajmajucca iłžyvymi paviedamleńniami ab niebiaśpiecy. Pra heta raspavioŭ načalnik Hałoŭnaha ŭpraŭleńnia pa supraćdziejańni kibierzłačynnaści MUS Andrej Kavaloŭ na telekanale ANT, piša Tut.by.
Pradstaŭnik MUS adznačyŭ, što dzieci ŭ Biełarusi vielmi zacikavilisia takoj źjavaj, jak svatynh — iłžyvymi paviedamleńniami ab niebiaśpiecy. Pavodle jaho słoŭ, z pačatku hetaha hoda raspačata bolš za 60 kryminalnych spraŭ za «miniravańnie».
Kavaloŭ raspavioŭ, što iłžyvyja paviedamleńni ab niebiaśpiecy dzielacca na dźvie hrupy — tyja, jakija pakidajuć pa telefonie, i tyja, jakija prychodziać u internecie. Časam takija paviedamleńni «zamaŭlajuć», naprykład, za projhryš u hulni.
— Umoŭna, vy mianie zamaŭlajecie: vyśviatlajecie maje danyja, proźvišča, moj adras, i ad majho imia dajacie paviedamleńni ab niebiaśpiecy toj ci inšaj navučalnaj ustanovy, sacyjalnaha abjekta — vakzała, aeraporta i hetak dalej, — pryvioŭ prykład Kavaloŭ.
Pradstaŭnik MUS padkreśliŭ, što takaja dziejnaść pakidaje ličbavyja ślady, pry hetym Biełaruś supracoŭničaje pa hetym pytańni z 89 krainami śvietu.
— Na siońniašni dzień u Biełarusi ŭžo znojdzienyja takija hrupy. Dumaju, u bližejšy čas budzie vystaŭlena abvinavačańnie jak minimum trom niepaŭnaletnim hrupam svatynhu: 12 hadoŭ, 14 hadoŭ i tak dalej, — raspavioŭ Andrej Kavaloŭ.
Jon nahadaŭ, što za iłžyvyja paviedamleńni ab niebiaśpiecy praduhledžanaja adkaznaść až da kryminalnaj. U vypadku z 12-hadovymi fihurantami adkaznaść paniasuć baćki, na ich taksama laža materyjalnaje pakryćcio vydatkaŭ.
Apošnim časam u Biełarusi nie raz «miniravali» hateli, administracyjnyja budynki, škoły i HC. Tryvoha, na ščaście, była iłžyvaj.
Zaviedama iłžyvaje paviedamleńnie ab niebiaśpiecy ciahnie kryminalnuju adkaznaść (art. 340 KK), jakaja nastupaje z 14 hadoŭ. Praduhledžanaje pakarańnie ŭ zaležnaści ad pamieru naniesienaj škody, ciažaru nastupstvaŭ i inšych abstavin — ad štrafu da 7 hadoŭ pazbaŭleńnia voli. Pad bujnym pamieram škody, jaki paciahnuła padobnaje paviedamleńnie, majuć na ŭvazie straty na sumu, jakaja ŭ 250 i bolš razoŭ pieravyšaje adnu bazavuju vieličyniu. Pad ciažkimi nastupstvami možna razhladać parušeńnie pracy vakzałaŭ, hramadskaha transpartu, aeraportaŭ, zryŭ masavaha mierapryjemstva.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki28
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1616
Kamientary